Нийгэм

СБД: Бага насны хүүхдэд тавих хараа, хяналтыг сайжруулах чиглэлээр зөвлөмж хүргэхийг үүрэг болгов

2024/05/31
НИТХ-ын төлөөлөгч, Засаг дарга Х.Болормаа өчигдөр цаг үеийн асуудлаар 1-20 дугаар хорооны Засаг дарга нартай шуурхай хурал хийж, дараах чиглэлээр үүрэг даалгаврыг өгөв. Үүнд,
- Нутаг дэвсгэрийн иргэн, аж ахуй нэгж байгууллагууд хүрээлэн буй орчиндоо ногоон байгууламжийг нэмэгдүүлэх, хотын өнгө үзэмжийг сайжруулах зорилгоор “Өнгө нэмье” цэцэгжүүлэлтийн аяныг зарласан. Энэхүү аяны хүрээнд хороод нутаг дэвсгэрийнхээ онцлогт тохирсон зохиомж бүхий цэцэгжүүлэлтийг хийж, идэвх санаачилгатай оролцох.
- Хог тээврийн цэвэрлэгээ, үйлчилгээнд өдөр бүр тогтмол хяналт тавьж ажиллах
- Хороодод төсвийн хөрөнгө оруулалтаар хийж буй тохижилт, бүтээн байгуулалтын ажлыг чанар гүйцэтгэлд хяналт тавих
- Нийтийн эзэмшлийн гудамж, талбайн гэрэлтүүлгийн засвар асалт, сандал, хогийн сав, хөшөө дурсгал зэрэг эд хөрөнгийн арчлалт, хамгаалалтыг сайжруулах холбогдох байгууллагуудаар засуулах
- Эрсдэл бүхий байршилд оршин суугаа иргэдэд гэнэтийн аадар бороо, үерийн гамшгаас урьдчилан сэргийлэх зөвлөмж сэрэмжлүүлэг, мэдэгдлийг тогтмол хүргэх
- Хичээлийн амралт эхлэх гэж байгаатай холбогдуулан эцэг эх, асран хамгаалагчдад бага насны хүүхдэд тавих хараа, хяналтыг сайжруулах чиглэлээр зөвлөмж хүргүүлж ажиллахыг тус тус үүрэг болголоо.

Холбоотой мэдээ

Өнөөдөр хуралдах УИХ-ын ажлын хэсгүүд
Өнөөдөр цахилгаан шугамд хийгдэх засварын хуваарь
Тахилтын уулзвараас “Найрамдал” зуслан чиглэлийн авто замыг шинэчлэх ажил 60 хувьтай үргэлжилж байна

Сэтгэгдэл бичих

Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд SHUGELULEEGCH.mn хариуцлага хүлээхгүй.
Сэтгэгдэл 0