Сэтгэгдэл 0
БНСУ-д аравдугаар сарын 21–23-ны өдрүүдэд зохион байгуулагдаж буй “TEX+VISION KOREA 2026” олон улсын нэхмэл, хувцас үйлдвэрлэлийн үзэсгэлэнгийн нээлтэд МҮХАҮТ-ын Гүйцэтгэх захирал Ц.Магнайбаатар оролцлоо.
МҮХАҮТ болон БНСУ-ын олон улсын үзэсгэлэнгийн төв “KINTEX” хооронд байгуулсан хамтын ажиллагааны санамж бичгийн хүрээнд Монголын ноос, ноолуурын салбарын 12 аж ахуйн нэгж тус үзэсгэлэнд анх удаа оролцож, бүтээгдэхүүнээ олон улсын зах зээлд сурталчилж байна.
Үзэсгэлэнд Ханбогд Кашимер, Түмэнсүлжээ, Байгаль Кашимер, Сайн-түмэн Кашимер, Цаст Согоот, Их Шанью, Ноён Кашимер, Нэгүн Кашимер, Мөнхбумууд, Нүнжиг Кашимер, Нэйшнл Кашимер энд Силк, Натурал Текстайл Групп зэрэг компани оролцож байна.
Монгол Улсын ноолуурын салбар нийт экспортын тав орчим хувийг бүрдүүлж, 26 мянга гаруй ажлын байр бий болгодог стратегийн ач холбогдолтой салбар юм. Тус үзэсгэлэн нь үндэсний үйлдвэрлэгчдийн экспортын боломжийг нэмэгдүүлэх, Монгол, БНСУ-ын худалдаа, эдийн засгийн хамтын ажиллагааг өргөжүүлэхэд чухал ач холбогдолтой.
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд SHUGELULEEGCH.mn хариуцлага хүлээхгүй.