Монгол, Өвөр Монгол үндэсний бөхчүүд “Хийморь” халз барилдаан аравдугаар сарын 10-ны өдөр 13:00 цагаас Монгол Бөхийн Өргөөнд болно.

Энэхүү барилдааныг “Грийн шоу продакшн”-ны 10 жилийн ой, “Хийморь” төслийн 5 жилийн ойн хүрээнд зохион байгуулж байгаа аж.

Монгол үндэсний өв соёлыг Монгол туургатны улсуудаар дамжуулан олон улсад сурталчлан таниулах зорилготой энтертайнмент шоу, багийн халз барилдаан юм.

ӨМӨЗО-ны энэ цагийн шилдэг, хүчит бөхчүүд багаараа анх удаа Монгол улсад ирэх гэж байна.

Монгол Улсаас оролцож буй хүчит бөхчүүдээ танилцуулъя

• Ховд аймгийн Буянт сумын харъяат Улсын Аварга О.Хангай

• Өвөрхангай аймгийн Төгрөг сумын харъяат Улсын Арслан Ц.Бямба-Отгон

• Төв аймгийн Өндөрширээт сумын харъяат Улсын Заан Д.Хүдэрбулга

• Архангай аймгийн Батцэнгэл сумын харъяат Улсын Харцага Б.Зоригтбаатар

• Булган аймгийн Орхон сумын харъяат Улсын Начин Э.Сумъяабат

• Сүхбаатар аймгийн Онгон сумын харъяат Аймгийн хурц Арслан Н.Өсөхбаяр

Айлчлан ирж буй Өвөр Монгол ахан дүүсээ танилцуулбал

• ӨМӨЗО-ны Шилийн гол аймгийн Шулуун хөх хошууны харъяат Х.Үндэс /1024-т 2 удаа, 512-т 1 удаа түрүүлсэн/

• ӨМӨЗО-ны Шилийн гол аймгийн Зүүн үзэмчин хошууны харъяат С.Эрхэмсүлд /512-т 4 удаа түрүүлсэн/

• ӨМӨЗО-ны Хөлөн буйр аймгийн Шинэ барга зүүн хошууны харъяат У.Төрцацрал /512-т 3 удаа түрүүлсэн/

• ӨМӨЗО-ны Шилийн гол аймгийн Шилийн хотын Уулын авганар хошууны харъяат Э.Мэргэнбилэг /512-т 1 удаа түрүүлсэн/

• ӨМӨЗО-ны Шилийн гол аймгийн Зүүн сөнөд хошууны харъяат Х.Давхарбаяр /512-т 1 удаа түрүүлсэн/

• ӨМӨЗО-ны Шилийн гол аймгийн Зүүн сөнөд хошууны харъяат Х.Бөхбаяр /512-т 1 удаа түрүүлсэн/