Нийслэлийн төсвийн хөрөнгө оруулалтаар Чингэлтэй дүүргийн наймдугаар хорооны нутаг дэвсгэрт хэрэгжиж буй 640 хүүхдийн суудалтай сургуулийн барилга угсралтын ажил 65 хувийн гүйцэтгэлтэй үргэлжилж байна.

Тус сургууль нь А, Б блокоос бүрдэх бөгөөд нийт 3072 ам метр талбайтай бөгөөд А блок нь 16.0х54.0 метр хэмжээтэй, зоорийн давхар бүхий гурван давхар, Б блок нь 12.0х30.0 метр хэмжээтэй, зоорьгүй гурван давхар барилга баригдана.

Өнөөдрийн байдлаар өрлөг, шаврын ажил бүрэн дуусаж, цонх суурилуулалтын ажил дуусах шатандаа орсон. Барилгын дотор цахилгаан, холбооны шугам сүлжээний ажлууд үргэлжилж байгаа бөгөөд бохир усны шугамын ажлыг бүрэн гүйцэтгээд байна.

Мөн эхний хоёр давхрын чулуун шалны ажил, давхар хоорондын шатны чулуун тавцангийн ажил хийгдэж дуусаж, нэгдүгээр давхрын дотор заслын ажил болон спорт заалны цонх суурилуулах ажил үргэлжилж байна гэж Нийслэлийн Боловсролын газраас мэдээллээ.