Налайх дүүргийн Аав мод амралтын газрын орчимд Туул голд хийлдэг гудастай хөвж байгаад живж эхэлсэн 23 настай эмэгтэй, 8 настай охиныг завьт эргүүлийн үүрэг гүйцэтгэж байсан Онцгой байдлын алба хаагчид 17:45 цагийн орчимд эсэн мэнд аварч, аюулгүй бүсэд шилжүүлжээ.

Онцгой байдлын байгууллагаас зориулалтын бус хийлдэг гудас, тоглоом ашиглахгүй байх, бага насны хүүхдийг хараа хяналтгүй орхихгүй байх, согтууруулах ундаа хэрэглэсэн үедээ усанд орохгүй байхыг иргэдэд анхаарууллаа.