Олон улс, улсын чанартай авто зам буюу иргэдийн хэлдэгээр хот хоорондын авто зам ашигласны төлбөр авах цэгүүд 2026 оны 6 сард бүрэн цахимжлаа.
Төлбөр авах цэгүүд цахимжсанаар зам хэрэглэгч, жолооч тээвэрчдэд түргэн шуурхай үйлчилгээ үзүүлж, төлбөр авах цэг дээр түгжрэл дараалал үүсгэхгүй байх, бэлэн мөнгөөр гүйлгээ тооцоо хийхгүй байх давуу талуудтай болсон. 
Төлбөр авах цэгүүдийг 2022 оноос үе шаттай цахимжуулж эхэлсэн бөгөөд иргэд, аж ахуй нэгж, тээврийн хэрэгсэлийн эзэмшигч нар төлбөр үүсгэсэн цахим нэхэмжлэлээ төлж барагдуулахдаа “хойрго” байсаар байна. 
Өнөөдрийн байдлаар 420 гаруй мянган тээврийн хэрэгсэл дээр 20 орчим тэрбум төгрөгийн төлбөрийн нэхэмжлэл төлөгдөөгүй байна. Үүн дотор 500,000-1,000,000 төгрөгийн төлбөртэй 2,183, 1 сая төгрөгөөс дээш төлбөртэй 637 иргэн, аж ахуй нэгж байна. 
Зам тээврийн сайдын баталсан А/226 дугаар журмаар 
- Төлбөр авах цэгээр 20 удаа саадгүй нэвтрэх бөгөөд цахим нэхэмжлэлээ төлөгдөөгүй 21 дэх удаагийн нэвтрэлтээс төлбөр авах цэг дээр саатуулж, боломжит арга хэрэгслээр төлбөрийг бүрэн төлүүлэх арга хэмжээ авах, 
- Авто зам ашигласны төлбөрийн цахим нэхэмжлэлээ 30 хоногийн дотор төлж барагдуулаагүй тохиолдолд хоног тутамд 0.5 хувийн алданги тооцно гэсэн зохицуулалттай 
Иймд иргэд, тээврийн хэрэгсэгч эзэмшигч та бүхэн баяр наадам, амралт зугаалгын үеэр түгжрэл дараалалгүй  авто зам ашиглан зорчиж цахим төлбөрийн олон арга хэрэгслүүд болох ezam.mn, е-mongolia, e-barimt, autobox, hipay, gerege, socialpay, qpay, toki, mostmoney зэрэг олон арга, хэрэгслээр авто зам ашигласны төлбөрөө ТУХАЙ БҮР ТӨЛЖ ЯВАХЫГ УРИАЛЖ БАЙНА.
Таны төлсөн авто зам ашигласны төлбөр нь Улсын авто замын санд шууд төвлөрч урин дулааны энэ улиралд авто замын засвар, арчлалтад зарцуулагддаг билээ.