Отгонтэнгэр хайрхан уулыг тайх төрийн тахилгын арга хэмжээнд өчигдөр буюу  (2026.06.16)-ийн 21.00 цагийн байдлаар 44,000 орчим иргэн оролцож байгаа дүн мэдээ иржээ.

Цагдаагийн байгууллагаас иргэдийн аюулгүй байдлыг хангах, нийтийн хэв журам сахиулах, замын хөдөлгөөн зохицуулах чиглэлээр алба хаагчид үүргээ хэвийн гүйцэтгэж байна.

Иймд иргэд та бүхэн бага насны хүүхдэдээ тавих хараа хяналтаа сайжруулж, орон нутгийн замд замын хөдөлгөөний дүрмийг мөрдөн, аюулгүй байдлаа ханган ажиллана уу гэж Цагдаагийн Ерөнхий газраас мэдээллээ.