Нийгэм

СБД иргэдийн саналын дагуу авто зогсоол, явган болон авто замын өргөтгөл хийж байна

2024/05/09
Сүхбаатар дүүргийн Засаг даргын мөрийн хөтөлбөр болон тухайн жилийн Хөгжлийн төлөвлөгөөнд тусгагдсан үйл ажиллагаа, хууль, тогтоомжийн хэрэгжилт, иргэдийн санал, хүсэлтийг хүлээн авч, асуудлыг холбогдох хуулийн хүрээнд шийдвэрлэх зорилготой “Хөдөлгөөнт оффис”-ын үйл ажиллагааг 2017 оноос санаачлан хэрэгжүүлж байгаа. Энэ дагуу Хөгжлийн жилийн төлөвлөгөөнд тусгасан “Хөдөлгөөнт оффис” өнгөрөгч мягмар гарагаас эхлэн хороодод ажиллаж эхэлсэн тухай өмнө нь мэдээлсэн. Өчигдөр “Хөдөлгөөнт оффис”-ын бүрэлдэхүүн дүүргийн 3, 4, 5 хороодод ажиллалаа. Уулзалтын эхэнд Засаг дарга Х.Болормаа сүүлийн жилүүдэд хийсэн томоохон бүтээн байгуулалт, хөрөнгө оруулалтын ажлын талаар танилцуулав. Сүхбаатар дүүрэг улсын хэмжээнд анх удаа орон нутгийн төсвөөр 200 ортой Нэгдсэн эмнэлэг барих ажлыг 2021 оны 8 сард эхлүүлж байсан бол зургаадугаар сардаа багтаан ашиглалтад оруулахаар ажиллаж байна. Тус эмнэлгийн хэвтэн эмчлүүлэх тасгуудын тохижилтын ажил ерөнхийдөө дууссан. Ажиллах хүчний нөөц бүрдүүлэх, тэднийг шинэ тоног төхөөрөмж дээр сургаж, дадлагажуулах ажил төлөвлөгөөний дагуу үргэлжилж байна. Мөн тус хороодод хийгдсэн онцлог ажил нь зөвшөөрөлгүй тоосгон гарааш буулгаж, газар чөлөөлөлт хийсэн. Нийслэлийн Засаг даргын захирамжаар замын зохиомол түгжрэлийг бууруулах, орц, гарцыг нээж, газар ашиглалтыг нэмэгдүүлэн нийтийн эзэмшлийн зам талбайг чөлөөлж, газрын зөрчлийг арилгах ажлын хүрээнд 56 байршилд 1093ш гарааш буулгаад байна. Газар чөлөөлөлт хийсэн байршлуудад иргэдийн саналын дагуу авто зогсоол, явган болон авто зам өргөтгөл бүхий тохижилт, бүтээн байгуулалт ажлууд хийгдэж байгаа тухай ТГУХ-ийн дарга М.Бямбасүрэн танилцуулав. Уулзалтын төгсгөлд нийслэлийн ИТХ-ын төлөөлөгч, Сүхбаатар дүүргийн Засаг дарга Х.Болормаа, Засаг даргын Тамгын газрын Төлөвлөлт, гүйцэтгэлийн удирдлагын хэлтэс, Тохижилт, нийтийн аж ахуйн хэлтэс, Газар зохион байгуулалтын албаны дарга, мэргэжилтнүүд иргэдийн асуултад хариулт өгөв.

Холбоотой мэдээ

Аюулт үзэгдэл, ослын 65 удаагийн дуудлага бүртгэгдлээ
Хууль бусаар агнасан тарвагыг ЗӨСҮТ-д шилжүүлэн өгчээ
“Эрдэнэс Тавантолгой” ХК 32 мянган тонн баяжуулсан сул коксжих нүүрс арилжлаа

Сэтгэгдэл бичих

Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд SHUGELULEEGCH.mn хариуцлага хүлээхгүй.
Сэтгэгдэл 0