Энэ хичээлийн жилд ерөнхий боловсролын англи хэлний сургалтын агуулгад шинээр нэвтэрсэн “Pearson” хөтөлбөр ирэх хичээлийн жилээс 3-9-р ангийнханд нэвтрэхээр болжээ. 2024-2025 оны хичээлийн жилээс 5-7-р ангийнхан англи хэлний хичээлээ 100% “Pearson” хөтөлбөрийн дагуу судалж байгаа юм. Цаашдаа ерөнхий боловсролын сургуулийн 3-12 дугаар ангийг үе шаттайгаар дээрх хөтөлбөрт шилжүүлэх бодлого баримталж байна.

Хөтөлбөрийн дагуу англи хэлний мастер багшийн модуль сургалтаар багш бэлтгэх, хосолмол сургалтын заах арга зүйн сургалт зохион байгуулах, шинэ төгсөгчдийг чадавхжуулах, багш нарын түвшин тогтоох, ахиулах, бататгах сургалтад хамруулахаар болжээ.

Ташрамд сануулахад “IEDC-Pearson Partner Mongolia” байгууллагын судалгаагаар багш нарын 70-аас дээш хувь нь англи хэлний дундаас доош түвшинтэй гэх дүн гарсан байдаг. Ийм учраар багш нарын англи хэлний түвшинг сайжруулах, түвшин тогтоох шалгалт зохион байгуулахаар болсон байна. Түүнчлэн англи хэлний хичээлийн сурах бичгийг “Pearson” хөтөлбөрт үндэслэн боловсруулахаар болжээ.