Skip to main content

Шүгэл үлээгч

Main Menu

  • Шүгэл үлээгч
  • Цэс
  • Медиа
  • Бидний тухай
  • Хайх
X

Улс төр

Сонгууль 2024
Засгийн газар
УИХ
Намууд
Нийтлэл
Дотоод бодлого
Гадаад бодлого
Элчин сайд
Хууль төрөхийн өмнө
Эшлэл

Эдийн засаг

Банкууд
Хөрөнгийн зах зээл
Уул уурхай
Дэд бүтэц
Харилцаа холбоо
Хөдөлмөрийн зах зээл
Бизнес

Нийгэм

Нийслэл
Боловсрол
Бурууд нүд хурц
Хөдөө аж ахуй
Байгаль орчин
Аялал жуулчлал

Дэлхий дахин

Гаднын хэвлэлд
Хөрш орнууд
Тойм
Халуун цэг
Улс төр
Хамтын нийгэмлэгийн байгууллагууд
Батлан хамгаалах
Орос-Украины дайн
Ойрх дорнод
Европын холбоо
Бусад

Шинжлэх ухаан, Технологи

Хиймэл оюун ухаан
Биг Тек
Олон нийтийн сүлжээ
Тоглоом
Кибер аюулгүй байдал
Метаверс, VR, AR
Дата
Финтек
Технологийн орчин
Шинжлэх ухаан
Танин мэдэхүй
Бусад

Эрүүл мэнд

Коронавирус
Нийгмийн эрүүл мэнд
Анагаахын шинжлэх ухаан
X
Та хайлтаа зөв олохыг тулд түлхүүр үгээ оновчтой оруулна уу.
Нийгэм

Хүрээлэн буй орчны эсрэг хэргүүдийг шүүхээр шийдвэрлүүллээ

12 мин өмнө

Прокурорын байгууллагаас хүрээлэн буй орчны эсрэг үйлдэгдсэн гэмт хэрэг, зөрчлийг шуурхай шалгаж шийдвэрлэх, экологид учирсан хохирол, хор уршгийг нөхөн төлүүлэх арга хэмжээг тогтмол авч хэрэгжүүлэхэд анхаарч ажиллаж байгаа билээ.

Өнгөрсөн 14 хоногт буюу 2026 оны 10 дугаар сарын 30-ны өдрөөс 11 дүгээр сарын 13-ны өдрийн хооронд Архангай, Сэлэнгэ, Дорнод аймгийн прокурорын газруудаас хууль бусаар мод бэлтгэх болон хууль бусаар ашигт малтмал хайх, ашиглах, олборлох хэргүүдийг анхан шатны шүүхээр шийдвэрлүүлсэн байна.

Архангай аймгийн прокурорын газраас:

- М.Б нь ... аймгийн нутаг дэвсгэр дэх ойгоос 2026 оны 9 дүгээр сарын 29-ний өдөр зохих зөвшөөрөлгүйгээр 2.3 м.куб шинэс модыг хөрөө ашиглан бэлтгэж, vanette загварын тээврийн хэрэгслээр тээвэрлэн ойн санд хохирол учруулсан үйлдлийг прокуророос Эрүүгийн хуулийн 24.6 дугаар зүйлийн 1 дэх хэсэг (хууль бусаар мод бэлтгэх)-т зааснаар зүйлчилж яллах дүгнэлт үйлдэн шүүхэд шилжүүлсэн.

Шүүхээс М.Б-г хууль бусаар мод бэлтгэх гэмт хэрэг үйлдсэн гэм буруутайд тооцож, 500,000 төгрөгөөр торгох ялаар шийтгэж, 5 ширхэг модыг тарьж ургуулах үүрэг хүлээлгэж, гэмт хэрэг үйлдэхдээ ашигласан vanette маркийн тээврийн хэрэгсэл, цахилгаан хөрөө, гэмт хэрэг үйлдэж олсон 2.3м.куб мод зэргийг улсын орлого болгохоор тус тус шийдвэрлэжээ.

- Э.М нь 2025 оны 2 дугаар сарын 20-ны өдөр экскаватор, техник тоног төхөөрөмж ашиглан ... аймгийн нутаг дэвсгэр дэх гол мөрний урсац бүрэлдэх эх, ойн сан бүхий газарт хамаарах 0.05 га талбайд тусгай зөвшөөрөлгүйгээр алт олборлох зорилгоор ашигт малтмалын эрэл хайгуул, олборлолт явуулсны улмаас байгаль экологид хохирол учруулсан үйлдлийг прокуророос Эрүүгийн хуулийн 24.2 дугаар зүйлийн 1 дэх хэсэг (хууль бусаар ашигт малтмал хайх, ашиглах, олборлох)-т зааснаар зүйлчилж яллах дүгнэлт үйлдэн шүүхэд шилжүүлсэн.

​Шүүхээс Э.М-г хууль бусаар ашигт малтмал хайх, ашиглах, олборлох гэмт хэрэг үйлдсэн гэм буруутайд тооцож, 5.4 сая төгрөгөөр торгох ял оногдуулж, хүрээлэн буй орчинд учирсан хохирол, хор уршиг болох 28.3 сая төгрөгөөс шүүгдэгч нь 9 сая төгрөг төлсөн болохыг дурдаж, үлдэгдэл 19.3 сая төгрөгийг түүнээс гаргуулахаар шийдвэрлэн, гэмт хэрэг үйлдэхдээ ашигласан ус соруулах төхөөрөмж 2 ширхэг, ус соруулах хоолой, 28.2 сая төгрөгийн үнэлгээ бүхий “Хьюндай 4500 ЛС-7” загварын экскаватор зэргийг улсын орлого болохоор шийдвэрлэсэн байна.

Сэлэнгэ аймгийн прокурорын газраас:

- Н.Б нь 2026 оны 02 дугаар сарын 06-ны өдөр ...аймгийн нутаг дэвсгэрээс хууль бусаар 6.1 м.куб хэмжээтэй бөөрөнхий нарс мод бэлтгэж, улсын дугаар, гэрчилгээгүй тээврийн хэрэгсэлд тээвэрлэсэн үйлдлийг прокуророос Эрүүгийн хуулийн 24.6 дугаар зүйлийн 1 дэх хэсэг (хууль бусаар мод бэлтгэх)-т зааснаар зүйлчилж яллах дүгнэлт үйлдэн шүүхэд шилжүүлсэн.

​Шүүхээс Н.Б-г хууль бусаар мод бэлтгэх гэмт хэрэг үйлдсэн гэм буруутайд тооцож, 3 сая төгрөгөөр торгох ял оногдуулж, хүрээлэн буй орчинд учирсан хохирол, хор уршиг болох 7.7 сая төгрөгийг шүүгдэгч төлсөн болохыг дурдаж, гэмт хэрэг үйлдэхдээ ашигласан 5.6 сая төгрөгийн үнэлгээ бүхий “Зил-131” загварын тээврийн хэрэгсэл, битүүмжлэгдсэн 9 ширхэг нойтон нарс модыг тус тус улсын орлого болгохоор шийдвэрлэсэн байна.

- Б.Б, Э.У нар нь бүлэглэн 2025 оны 5 дугаар сарын 31-ний өдөр ...аймгийн нутаг дэвсгэрт хууль бусаар ашигт малтмал олборлох зорилгоор арлын дугааргүй экскаватор ашиглан хууль бусаар газрын хэвлийд халдаж, байгаль орчинд хохирол учруулсан үйлдлийг прокуророос Эрүүгийн хуулийн 24.2 дугаар зүйлийн 1 дэх хэсэг (хууль бусаар ашигт малтмал хайх, ашиглах, олборлох)-т зааснаар зүйлчилж яллах дүгнэлт үйлдэн шүүхэд шилжүүлсэн.

​Шүүхээс Б.Б, Э.У нарыг хууль бусаар ашигт малтмал хайх, ашиглах, олборлох гэмт хэрэг үйлдсэн гэм буруутайд тооцож, Б.Б-г 6 сая төгрөгөөр, Э.У-г  5.5 сая төгрөгөөр тус тус торгох ял оногдуулж, хүрээлэн буй орчинд учирсан хохирол, хор уршгийг төлж барагдуулсныг дурдан, гэмт хэрэг үйлдэхдээ ашигласан техник хэрэгсэл болох 9 сая төгрөгийн үнэлгээ бүхий экскаватор 1 ширхэг, 1.2 сая төгрөгийн төгрөгийн үнэлгээ бүхий ус татах болон алт угаах төхөөрөмжийг тус тус улсын орлого болгохоор шийдвэрлэсэн байна.

Дорнод аймгийн прокурорын газраас:

- Р.З нь 2026 оны 7 дугаар сарын 02-ны шөнө ....аймгийн нутаг дэвсгэрт тээврийн хэрэгсэл ашиглан мод бэлтгэх эрхийн бичиггүйгээр 20 ширхэг шинэс мод хууль бусаар тайрч бэлтгэн ойн санд  хохирол учруулсан үйлдлийг прокуророос Эрүүгийн хуулийн 24.6 дугаар зүйлийн 1 дэх хэсэг  (хууль бусаар мод бэлтгэх)-т зааснаар зүйлчилж яллах дүгнэлт үйлдэж шүүхэд шилжүүлсэн.

Шүүхээс Р.З-г хууль бусаар мод бэлтгэх гэмт хэрэг үйлдсэн гэм буруутайд тооцож, 6 сарын хугацаагаар зорчих эрхийг хязгаарлах ялаар шийтгэж, ойн санд учруулсан хохирлыг гаргуулж Байгаль орчин, уур амьсгалын санд төлүүлэх, гэмт хэрэг үйлдэхдээ ашигласан иргэний нэхэмжлэгч Д.Р-ийн эзэмшлийн “Хьюндай Портер” маркийн тээврийн хэрэгслийг Д.Р-д буцаан олгож, уг тээврийн хэрэгслийн үнэ болох 6.9 сая төгрөгийг Р.З-ээс гаргуулах, 1 ширхэг бензин моторт хөрөө, хар өнгийн маркераар 1-20 хүртэл дугаарласан 2 метр орчим урттай бөөрөнхий шинэс мод зэргийг улсын орлого болгохоор шийдвэрлэсэн байна.

Холбоотой мэдээ

Авлига, ашиг сонирхлын зөрчлийн 1032 өргөдөл, гомдол, мэдээллийг хянан шийдвэрлэв
“Мөрөөдлийн алсыг харагч” НҮТББ-аас нярайн шарлалтын эмчилгээний аппарат хандивлажээ
Нөмрөгийн түймрийн хохирлын үнэлгээг хууль хяналтын байгууллагад шилжүүлжээ

Сэтгэгдэл бичих

Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд SHUGELULEEGCH.mn хариуцлага хүлээхгүй.
Сэтгэгдэл 0

Шинэ мэдээ

Их уншсан

Хүрээлэн буй орчны эсрэг хэргүүдийг шүүхээр шийдвэрлүүллээ
Авлига, ашиг сонирхлын зөрчлийн 1032 өргөдөл, гомдол, мэдээллийг хянан шийдвэрлэв
“Мөрөөдлийн алсыг харагч” НҮТББ-аас нярайн шарлалтын эмчилгээний аппарат хандивлажээ
Нөмрөгийн түймрийн хохирлын үнэлгээг хууль хяналтын байгууллагад шилжүүлжээ
Цахилгааны 1.05 сая тоолуурын 855.1 мянгыг ухаалаг болгожээ
ANCIENT-ORIGINS: Монгол дахь Хүннүгийн хамгийн том булшны ёроолоос Ромынх байж болзошгүй шилэн аяга олджээ
Трамп Хятадад хийх айлчлалынхаа үеэр Ким Жөн Унтай уулзаж магадгүй гэжээ
Хууль бус бооцоот тоглоом зохион байгуулж, их хэмжээний гүйлгээ хийсэн байж болзошгүй этгээдүүдийг баривчилжээ
У.Хүрэлсүхээр 2019 оны ҮАБЗ-ийн гишүүд бууж дууссан тул Х.Баттулга, Г.Занданшатар нартайгаа шалгуулах нь
Нөмрөгийн ДЦГ-т гарсан түймрийн асуудлаар Япон улсын гурван яамны төлөөлөлтэй цахим уулзалт хийлээ
Жүжигчин Ко Гён Пё согтуугаар жолоо барьсан хэрэгт холбогдсоны улмаас телевизийн сувгууд түүнийг нэвтрүүлгээс хасжээ
Литр тутам нь 1000 төгрөгөөр өссөн энгийн АИ-92 бензиний үнийг 150 төгрөгөөр бууруулна
Малчин, хоршоологчид мах, сүү, цагаан идээг дундын зуучлалгүйгээр худалдан борлуулна
Иргэд, жолооч нарын анхааралд
Зураач Флойд Норман хүндэт Оскарын шагнал хүртжээ

shugeluleegch

  • Бидний тухай
  • Редакцын бодлого
  • Сурталчилгаа байршуулах
  • Холбоо барих
shugeluleegch.mn © 2026 он