Хаан III Чарльзын таалал төгсвөл орчин үеийн Британийн хааны гэр бүлийн түүхэн дэх хамгийн томоохон эргэлтийн цэгүүдийн нэг болох нь дамжиггүй. Түүний ууган хүү, хунтайж Уильям тэр даруй хаан ширээнд залраад зогсохгүй, хунтайж Харри болон Меган Маркл нарын хувьд ч томоохон өөрчлөлтүүд гарах юм. Түүнчлэн Сассексийн гэр бүлийнхэн хүүхдүүдийнхээ хамт Британид илүү их цагийг өнгөрүүлэхээр зэхэж буй энэ үед тэдний ирээдүйн талаарх асуултууд олны анхаарлыг татаж байна.

Тус гэр бүл 2020 онд хааны гэр бүлийн үүрэгт ажлаасаа татгалзсан хэдий ч одоогоор Сассексийн гүн ба гүнгийн ахайтан, Ханхүү Арчи, Гүнж Лилибет гэх цол хэргэмээ хадгалсаар байгаа билээ. Гэвч Ханхүү Уильям үүнийг өөрчилж магадгүй гэх таамаглал гарсаар байна. Сассексийн гүн, гүнгийн авхай нар өөрсдийн цол хэргэмээ үргэлжлүүлэн хэрэглэж байгаад хааны гэр бүлийн хүрээний зарим хүмүүс сэтгэл дундуур байгаа тухай мэдээлэл гарсан нь хунтайж Уильям ирээдүйд илүү хатуу байр суурь баримталж болзошгүй гэх таамаглалыг улам бүр нэмэгдүүлж байна. Ханхүү Уильям цаашид зөвхөн Ханхүү Харригийн ах байгаад зогсохгүй, түүний хаан нь болох болно. Энэ нь харилцаа нь аль хэдийн хурцадмал байдалд ороод буй хааны гэр бүлийн хоёр гишүүний хооронд огт өөр нөхцөл байдлыг үүсгэж болзошгүй юм.

Энэ нь Сассексийн гүнгийн ахайтан Меган болон Уэльсийн гүнгийн гэргий Кэтрин нарын хувьд ч мөн адил байх болно.  

"The Guardian" сонины тооцооллоор 2023 онд Хаан III Чарльзын хувийн хөрөнгө 1.8 тэрбум фунт стерлинг (2.4 тэрбум ам.доллар) орчим байжээ. Гэсэн хэдий ч хааны хувийн хөрөнгө яг тодорхойгүй байна.

"The Guardian" сонин Хаан III Чарльзын хувийн хөрөнгө оруулалтын үнэлгээг ойролцоогоор 142 сая фунт стерлинг (194 сая ам.доллар) гэж тооцоолжээ. Хааны хамгийн том хөрөнгийн нэг бол Балморал шилтгээн, Сандрингем ордон зэрэг нь түүний хувийн өмч юм. "The Guardian" сонин эдгээр хөрөнгийн үнэлгээг 330 сая фунт стерлинг (450 сая ам.доллар) орчим гэж тооцоолжээ. Иймд хунтайж Харри бэлэн мөнгө, хөрөнгө оруулалт, хувийн эзэмшлийн хөрөнгө эсвэл итгэмжлэгдсэн сангийн хэлбэрээр их хэмжээний өвийн залгамжлагч болох магадлалтай байна. Хааны хамгийн үнэтэй хувийн эд зүйлсийн нэг бол түүний сонгодог загварын автомашинууд юм. "The Guardian" сонин зөвхөн эдгээр машины үнэлгээг 6.3 сая фунт стерлинг (8.6 сая ам.доллар) орчим гэж тооцоолжээ.