Монголын Өмгөөлөгчдийн Холбооны харилцаа, бүртгэл мэдээллийн цахим системийг боловсронгуй болгох, цахимжуулах, аюулгүй байдлыг хангах, үйлчилгээний хүртээмжийг сайжруулах чиглэлээр Холбооноос шаардлагатай үйл ажиллагааг хэрэгжүүлэн ажиллаж байна. Энэ хүрээнд өмгөөлөгчийн үнэмлэхийг төрийн цахим үйлчилгээний E-Mongolia системд нэвтрүүлэх зорилгоор Засгийн газрын хэрэгжүүлэгч агентлаг Төрийн цахим үйлчилгээний зохицуулалтын газрын Салбар дундын зохицуулалт, дахин загварчлалын газрын дарга Б.Дөлгөөн, Дахин загварчлалын хэлтсийн дарга Э.Түвшинбаяр, тус газрын ахлах мэргэжилтэн А.Солонго нартай өчигдөр (2026.01.21) уулзлаа.
Тус уулзалтаар өмгөөлөгчийн үнэмлэхийг төрийн үйлчилгээний цахим системд нэвтрүүлэх хэрэгцээ шаардлага, нэвтрүүлснээр ямар эерэг үр дагавар гарах талаар мэдээлэл өгч, E-Mongolia платформд үнэмлэх нэвтрүүлэхэд шаардлагатай үйл явц болон бусад хамтын ажиллагааны боломжийн талаар харилцан мэдээлэл солилцож, нэгдсэн ойлголтод хүрлээ.
Төрийн цахим шилжилтийг хэрэгжүүлэх зорилго, чиг үүрэг бүхий тус газрын төлөөллийн зүгээс энэхүү санаачилга, хүсэлтийг дэмжиж, шуурхай шийдвэрлэхэд анхаарч хамтран ажиллахаа илэрхийлсэн юм.
Өнөөдрийн уулзалтад Монголын Өмгөөлөгчдийн Холбооны Ерөнхийлөгч Л.Данзанноров болон Холбооны харилцаа, бүртгэл мэдээллийн цахим системийг боловсронгуй болгох үүрэг бүхий шинэчлэн байгуулсан ажлын хэсэг оролцлоо. Тус ажлын хэсгийн ахлагчаар Холбооны гишүүн, өмгөөлөгч У.Болдхүү, гишүүдээр Нийслэлийн Өмгөөлөгчдийн зөвлөлийн дарга Б.Солонго, Удирдах зөвлөлийн гишүүн М.Хандармаа, Холбооны гишүүн, өмгөөлөгч Ц.Одмаа, Б.Агар-Эрдэнэ, Ажлын албаны дарга Г.Дэлгэрцэцэг, Нарийн бичгийн даргаар Сургалт, шалгалт хариуцсан мэргэжилтэн Б.Цэрэнпагма нар томилогдон ажиллаж байна.
Өмгөөлөгчдийн үнэмлэхийг цахим системд нэвтрүүлснээр
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд SHUGELULEEGCH.mn хариуцлага хүлээхгүй.