Нийслэлийн хэмжээнд мал аж ахуй эрхлэхийг хориглосон бүсээс мал гаргах ажлыг арваннэгдүгээр сарын 1-нээс зохион байгуулна. Тодруулбал, нийслэлийн ИТХ-ын 2024 оны 09 дүгээр тогтоолоор мал аж ахуй эрхлэхийг хориглосон бүсийг тогтоосон. Энэ дагуу нийслэлийн Засаг даргаас холбогдох байгууллага, дүүргүүдэд дээрх хууль, журмыг хэрэгжилтийг хангаж ажиллах үүргийг өгсөн. Өнөөдрийн байдлаар дүүргийн нутаг дэвсгэрийн хориглосон бүсэд 18-20 дугаар хорооны 9 өрхийн 176 тооны мал байна.

Эдгээр малыг хориглосон бүсээс гаргах, хашаанд хаших нэгдсэн арга хэмжээг маргаашнаас эхлэн зохион байгуулна. Мөн холбогдох зардал болон мал эмнэлгийн үйлчилгээ, тэжээл, тээвэрлэлтийн зардал зэргийг малын эзнээс гаргуулах хууль эрх зүйн зохицуулалт үйлчилдэг.

Иймд иргэд мал аж ахуй эрхлэхийг хориглосон бүсээс заасан хугацаанд малаа гаргахыг анхааруулж байна.