Уул уурхайн “Рио Тинто” групп менежментийн шинэчлэл хийж өмнө нь Зэсийн группийн захиралаар ажиллаж байсан Б.Болдыг Худалдаа хариуцсан захирлаар томилжээ. Ийнхүү менежментийн шинэчлэл хийх болсон нь түүхий эдийн томоохон салбаруудад байр сууриа тэлэхтэй холбоотой юм байна.

Сүүлийн үед  тус группийн хэрэгжүүлдэг төслүүдтэй холбоотой таагүй мэдээлэл олон нийтийн дунд тараад байгаа юм. Ялангуяа Австрали улсад хэрэгжүүлдэг хэд, хэдэн төсөл хөтөлбөр Африкийн төслүүдтэй холбоотой мэдээлэл хэд, хэдэн удаа цацагдсан билээ. Түүний хувьд “Рио Тинто” компанийн голлох төслүүд тэр дундаа Гвинейн төмрийн хүдрийн уурхай багтаж байна. Уг төсөл нь Гвиней болон Рио Тинтогийн хооронд багагүй маргаан дагуулсан, сорилт ихтэй төслүүдийн нэг юм.

Б.Болд нь 2021 оны гуравдугаар сарын 01-нээс “Рио Тинто” компанийн зэсийн группийн гүйцэтгэх захиралаар томилогдож байсан юм. Түүнийг албан тушаал хашиж байх хугацаанд Оюутолгой компанитай шинэ түвшинд хэлэлцээ хийж, Дубайн гэрээг цуцлан монголын талын өгөөжийг нэмэгдүүлэх тал дээр томоохон дэвшил гарсан юм.