Монгол Улсын Засгийн газар шинэ бонд гаргахаар төлөвлөж байна. Анх энэ тухай Блумберг агентлаг мэдээлж, улмаар удалгүй Сангийн яамнаас энэ мэдээллийг баталгаажуулсан юм. Дээрх мэдээллийн дараа 2026 болон 2028 онд хугацаа нь дуусах бондуудын ханш огцом өссөн байна.

Шинээр гаргахаар төлөвлөж буй бондын үнэлгээг “S&P” болон “Fitch” агентлаг “В+”, харин “Moody’s” агентлаг “В2” гэж үнэлжээ.

Дээр дурдсан 2026 болон 2028 онд хугацаа нь дуусах 5-8.6% хүүтэй бондоо эргүүлэн авах тендер зарлаж байгаа юм. Энэ юу гэсэн үг вэ гэвэл шинэ бонд гаргаж босгосон хөрөнгөөрөө хуучин бондуудаа эргүүлэн худалдан авна гэсэн үг ажээ.