Австралийн хөрөнгийн биржид бүртгэлтэй “Jade Gas Holdings” компани Монголын говьд хэрэгжүүлж буй нүүрсний давхаргын метан хийн төслийн хайгуулыг амжилттай эцэслэсэн тухайгаа мдээллээ. Ийнхүү тус төслийн арилжааны стратегийг боловсруулахад тун ойртож ирээд байгаа аж. Өнгөрсөн оны тайланд онцолсноор тус компани нийт 3.6 сая австрали долларыг татан төвлөрүүлсэн байна. Тус компани Монгол Улсад хэрэгжүүлж буй төслийн үйлдвэрлэл эхлэх боломжит төлөвлөгөөг боловсруулахаар зорьж байгаа аж.

Монголын нүүрсний давхаргын метан хийн нөөцийг судлах чиглэлээр байгуулагдсан “Jade Gas Holdings” компани өөрийн охин компани болох “Метан Газ Ресурс” ХХК-аар дамжуулан уламжлалт бус газрын тосны “Тавантолгой-XXXIII” дээр бүтээгдэхүүн хуваах гэрээт талбайд голчлон төвлөрдөг юм.