Цагаачлалын гүцэтгэх тушаал – Хүн хүч шаардсан, асар их зардадтай сая, сая цагаачдыг албадан гаргах ажлыг хэрхэн санхүүжүүлэх талаар дэлгэрэнгүй тайлбарлаагүй.

Мексикийн хил дээр онц байдал зарлав – Цагаачдын түрлэгийг таслан зогсоохын тулд 1798 оны Харийн дайсны эсрэг акцыг сэргээж, өмнөд хил рүү цэрэг илгээж, хилийн хаалт, хана нэмж барина.

“Мексиктээ үлд!” бодлого – Хэрэг нь эцэслэн шийдэгдээгүй орогнол горилогчдыг АНУ-ын хилээр нэвтрүүлэхийг хориглоно.

Иргэншил олгох төрөлх эрхийн гүцэтгэх тушаал – Бараг ёс мэт тогтсон АНУ-д төрсөн бүх гадаад иргэдийн хүүхдэд иргэншил олгодог байсныг болиулах маш зоримог шийдвэр батлав.

Эрчим хүч, хүрээлэн буй орчны гүйцэтгэх тушаал – Үндэсний хэмжээнд эрчим хүчний онц байдал зарлаж, байгалийн хий, газрын тос зэрэг байгалийн эх үүсвэр ашиглахыг эрчимжүүлнэ.

Цаг уурын гүйцэтгэх тушаал – Хүлэмжийн хийн ялгаруулалтаараа дэлхийд хоёрдугаарт ордог АНУ Парисын цаг уурын гэрээнээс гарлаа. Гэхдээ уг гэрээнээс гарах явц багадаа нэг жил үргэлжилдэг. Үүнийг дагаад 2030 он гэхэд тус улс дахь автомашины 50%-ийг цахилгаан хөдөлгүүртэй машинаар солих зорилгоос ухрав.

Жендерт суурилсан гүйцэтгэх тушаал – АНУ-ын хэмжээнд зөвхөн эрэгтэй, эмэгтэй гэсэн хоёр хүйс л байх ёстой. Гэхдээ энэ нь албан ёсны бичиг баримт дээрх мэдээлэлд хамаарна. Энэ бодлого нь трансжендерүүдийг онилж буйгаараа онцлогтой.

Төрийн албан хаагчдын гүйцэтгэх тушаал – Ингэснээр хүчний буюу цагаалчлал, үндэсний болон нийтийн аюулгүй байдлыг хамгаалахаас бусад төрийн албанд сайн дурын иргэдийг ажиллуулахыг хориглоно.

Нэгдүгээр сарын 06-ны хэрэг – Капитолд гарсан үймээн буюу 2021 оны нэгдүгээр сарын 06-ны хэргээр ял эдэлж буй 1,500 гаруй хүнд өршөөл үзүүлэв.

Эрүүл мэндийн гүйцэтгэх тушаал – Ковидын цар тахал болон бусад эрүүл мэндийн хямралын үед маш муу ажилласан гэх шалтгаанаар АНУ Дэлхийн эрүүл мэндийн байгууллагаас гарахаар болов.

Эрх чөлөөний гүйцэтгэх тушаал – АНУ-аас ТикТокт тавьсан хоригийг цуцалж, Ж.Байденийн үед боогдож байсан иргэдийн үг хэлэх эрх чөлөөг хамгаалж, улам нээлттэй болгоно.