Дэлхийн банкнаас улс орнуудын дотоодын нийт бүтээгдэхүүний /ДНБ/ төлөвөө шинэчлэхэд Монгол Улсын ДНБ-ийг 4.8% болж саарахаар төсөөлжээ. Тус банк 2023 он сүүлээр Монгол Улсын ДНБ-нийг 6.1% байна гэж таамаглаж байсан билээ. Монгол Улсын хувьд түүхий эдийн салбар, ханшаас өндөр хамааралтайн дээр төгрөгийн ханшийн чадвар тааруу байгаа зэрэг нь ДНБ-ний өсөлт саарах гол хүчин зүйл гэж үзэж байна. Гэхдээ 2025 онд ДНБ эргэн өсөж, 6.6% хүрнэ гэж таамаглаж байгаа ажээ.

Зүүн Азийн хөгжиж буй орнууд, цаашлаад Ази тивийн хөгжиж буй улс орнуудын эдийн засгийн өсөлт БНХАУ-ын өсөлт саарч байгаагаас шалтгаалан саарна гэж дүгнэжээ. БНХАУ-ын эдийн засаг энэ онд 4.5%, ирэх онд 4.3% байна гэж тооцсон нь өмнө нь тооцож байснаас харьцангуй байга үзүүлэлт юм.

Дэлхий даяар цар тахлын дараа инфляцын өсөлт ажиглагдаж байсан бол одоо инфляц харьцангуй тогтворжиж байгаа нь сайн үзүүлэлт хэдий ч дэлхийн улс орнуудыг хамарсан геополитикийн хурцадмал байдал эдийн засгийн өсөлтөд сөргөөр нөлөөлнө гэж мэргэжилтнүүд үзэж байна.

Эх сурвалж: Дэлхийн банк