ОХУ-ын Алс дорнодын Амур мужид орших “Пионер” алтны уурхайд осол гарчээ. Ослоор 13 уурхайчин нурангид дарагдсан бөгөөд аврах ажиллагаа одоо ч үргэлжилсээр байна. ОХУ-ын хамгийн том уурхайнуудын нэг “Пионер” уурхайд өнгөрсөн даваа гарагт осол гарчээ. Амур мужийн захирагч Василий Орлов “Телеграм” хуудас дээрээ “Нөхцөл байдал хүнд хэвээр байна” гэж нийтэлсэн байна. Аврах ажиллагааг орон нутгийн аврах байгууллага гүйцэтгэж байгаа ч Кузбассын сав газар болон Сибирийн бусад бүс нутгаас уурхайн мэргэжлийн аврагчид ирж, аврах ажиллагаанд оролцож байна.

Ерөнхийлөгч Владимир Путин нөхцөл байдалтай холбогдуулан шуурхай уулзалт зохион байгуулж, ОХУ-ын Аврах албаныхныг осолд анхаарлаа хандуулахыг тушаажээ. ОХУ-ын Риа Новости агентлагийн мэдээлснээр лхагва гаррагт уурхайн нуранги дахь чулуулгийн хэмжээ урьд нь тооцоолж байснаас ес дахин их байна гэжээ. Осол гарсан “Пионер” уурхай нь барууны улс орнуудын хоригт хамрагдсан UMMC-ийн мэдэлд байдаг уурхай юм.