Үндэсний статистикийн хорооны мэдээллээр Монгол Улсын мөнгөний нийлүүлэлт тавдугаар сарын байдлаар 39.1 их наяд төгрөг болж, өмнөх оны мөн үеэс даруй 28.1% өссөн байна. Ийнхүү өсөхөд төгрөгийн хадгаламж 35.1%, төгрөгийн харилцах 25.9%, валютын харилцах  73.8% тус тус өссөн нь голлон нөлөөлжээ.

Түүнчлэн гадаад цэвэр актив тавдугаар сард 9.6 их наяд төгрөг болж мөн л өмнөх оны мөн үеэс өссөн байна. Харин дотоод цэвэр актив 29.5 их наяд төгрөг болж, өсөлтөө хадгалсан хэвээр байгаа юм. Тавдугаар сарын эцсийн байдлаар Монгол Улсын гадаад валютын албан нөөц 5.19 тэрбум ам.доллар болж мөн л өссөн үзүүлэлт гарчээ. Үүний зэрэгцээ төгрөгийн ханш сүүлийн нэгж илийн хугацаанд харьцангуй тогтвортой байгаа бөгөөд валютын хадгаламжийн үлдэгдэл 4.4 их наяд төгрөг болж буурсан байна.