ОХУ-ын Ерөнхийлөгч Владимир Путин Украин дахь дайныг зогсоох зорилготой энхийн хэлэлцээг сэргээхээс татгалзсаар байсан ч Дональд Трамп түүнтэй утсаар ярьсны дараа Оросын эсрэг тавьсан хориг арга хэмжээг сулруулж буйгаа зарлажээ.

Энэхүү гэнэтийн буулт хийсэн шийдвэр өнгөрсөн баасан гарагт гарсан бөгөөд Трамп Орос  АНУ-д нэн даруй 300 мянга гаруй тонн дизель түлш нийлүүлж, цаашид олон сая тонныг үргэлжлүүлэн нийлүүлэх болсныг мэдэгдсэн юм.

Трамп уг яриа хэлэлцээний дүнд түлшний нийлүүлэлтийг нэмэгдүүлэхээр болсон ч Путин Украины асуудлаар ямар нэгэн буулт хийгээгүй байна. Харин ч Оросын 74 настай удирдагч өөрийн хатуу байр суурь, шаардлагаа дахин илэрхийлсэн гэх мэдээлэл байна.Кремль энэхүү яриа хэлэлцээг дипломат харилцааны нөхцөл байдал Москвагийн талд эргэж эхэлсний шинж тэмдэг хэмээн тайлбарлаж байна.

Дэлхийн хоёр удирдагчийн хооронд болсон "найрсаг" уур амьсгалтай ярианы талаар Кремлийн туслах Юрий Ушаков сэтгүүлчдэд ярихдаа Трамп Путинд хэдэн цагийн турш, бүр маргааш өдөр хүртэл яриагаа үргэлжлүүлэхэд бэлэн байгаагаа илэрхийлсэн хэмээн мэдэгджээ. Бямба гарагийн өглөө Запорожье хотод болсон Оросын халдлагын улмаас Украины дор хаяж 20 иргэн амь үрэгдсэн байна. Тэдний дор хаяж гурав нь хүүхэд байсан нь Оросын үргэлжилж буй цэргийн ажиллагааны улмаас энгийн иргэд асар их хохирол амсаж буйг харуулж байна.