“Apple” жил бүрийн намрын шинэ бүтээгдэхүүн танилцуулах арга хэмжээгээ 09 дүгээр сарын 09-ний өдөр зохион байгуулж, “iPhone”, “Apple Watch”, “AirPods”, “Apple”-ийн анхны эвхэгддэг “iPhone” болох “iPhone Duo”, “iPhone 18 Pro”, “iPhone 18 Pro Max”, “Apple Watch Series 12”, “Apple Watch Ultra 4” болон “AirPods 5”-ыг танилцууллаа.

“Apple”-ын анхны эвхэгддэг “iPhone”
Энэ удаагийн арга хэмжээний хамгийн том шинэ бүтээгдэхүүн нь “iPhone Duo” байв. “Apple” ийнхүү “Samsung”, “Google”, “Huawei” зэрэг үйлдвэрлэгчдийн хэдэн жилийн өмнөөс өрсөлдөж эхэлсэн эвхэгддэг ухаалаг утасны зах зээлд анх удаа орж байна. “iPhone Duo” 5.4 инчийн дэлгэцтэй,  A20 Pro чиптэй, 48MP үндсэн болон 48MP “Ultra Wide” камертай, 44 цаг хүртэл ашиглах боломжтой батарей, санах ой нь 2TB хүртэл бөгөөд 1999 ам.долларын үнэтэй байна. Урьдчилсан захиалга нь аравдугаар сарын 16, худалдаанд гарах өдөр нь аравдугаар сарын 23 байна.

Түүнчлэн “Apple” уламжлалт “iPhone”-оо ч орхисонгүй. Энэ жилийн үндсэн дээд ангиллын загварууд болох “iPhone 18 Pro” болон “iPhone 18 Pro Max”-ыг мөн танилцууллаа. Харагдах байдлаараа өмнөх үеийн “iPhone”-той төстэй боловч доторх техник болон камерын системд хэд хэдэн өөрчлөлт оржээ. Тухайлбал, “ProMotion” технологи бүхий дэлгэц, “Variable aperture” буюу хувьсах диафрагмтай камерын системтэй болсноос гадна “iPhone 18 Pro” нь 36 цаг, “Pro Max” нь 45 цаг хүртэл видео тоглуулах батарейн хүчин чадалтай байна.  Үнийн хувьд “iPhone 18 Pro” 1,199 ам.доллар, харин “Pro Max” 1,299 ам.доллароос эхлэх аж. Урьдчилсан захиалга есдүгээр сарын 12-нд эхэлж, 18-наас худалдаанд гарах юм байна. Сонирхолтой нь Apple энэ удаа энгийн iPhone 18-ыг танилцуулсангүй.
Утасгүй чихэвчнийхээ шинэ үе болох “AirPods 5”-ыг мөн танилцуулсан. Шинэ “AirPods” нь идэвхтэй дуу чимээ дарах технологи, сонсголын эрүүл мэндийг дэмжих функц болон сайжруулсан аудио системтэй болжээ. “Live Translation” нь “Apple Intelligence”, “Translate” апп болон тохирох “Apple” төхөөрөмж, “AirPods”-ын хослол ашиглан ажиллах бөгөөд хэрэглэгчдэд харилцан яриаг бодит цагт орчуулах боломж олгох аж.