Нийгэм

“ХИЛИЙН ЧАНАД ДАХЬ МОНГОЛЧУУДЫН ЗӨВЛӨЛ НҮТББ” –ТАЙ БАЙГУУЛСАН САНАМЖ БИЧГИЙН ХҮРЭЭНД ХИЙСЭН АЖЛУУДАА ДҮГНЭЛЭЭ

2025/08/12
Нийгмийн даатгалын байгууллага нийгмийн даатгалын хууль тогтоомжийн хэрэгжилтийг хангах, олон нийтэд сурталчлах ажлыг шат дараатай зохион байгуулж байна. Үүний дотор хилийн чанадад ажиллаж, амьдарч байгаа Монголчуудынхаа нийгмийн хамгааллын асуудлыг шийдвэрлэх, тэдэнд нийгмийн асуудлаа шийдэх ямар боломж, бололцоо байгаа талаар мэдээлэл өгөх чиглэлээр хамтран ажиллаж байна.
Санамж бичгийн хүрээнд:2025 оны 06 дугаар сарын 10-ны өдөр цахим сургалт зохион байгуулж, Америкийн нэгдсэн улс, Австрали, Ази, Европ тивийн төлөөлөл болон “Хилийн чанад дахь Монголчуудын зөвлөл”-ийн Нийгмийн бодлогын хорооны гишүүдийг хамруулсан.
Мөн Бельгийн хаант улсын Брюсель хотноо 2025 оны 6 дугаар сарын 28-ны өдөр зохион байгуулсан Дэлхийн Монголчуудын наадам арга хэмжээнд оролцсон Монгол улсын иргэдэд Нийгмийн даатгалын тухай хуулийн хүрээнд зөвлөгөө мэдээлэл хүргэж ажилласан.
Харин Унгар Улсад оршин суугаа иргэдэд нийгмийн хамгаалал (тэтгэвэр, тэтгэмж)-ийн асуудлаар 2025 оны 7 дугаар сарын 6-ны өдөр цахим сургалт зохион байгуулж, зөвлөгөө, мэдээлэл өгсөн.
Бид цаашид гадаад оронд ажиллаж амьдарч байгаа Монгол улсын иргэдэд нийгмийн даатгалын хууль тогтоомж, ач холбогдлыг сурталчлан таниулах, мэдээлэл түгээх, нийгмийн даатгалд сайн дурын хэлбэрээр даатгуулах, гадаад хамтын ажиллагааг өргөжүүлэхэд чухал ач холбогдол өгч үргэлжлүүлэн хамтран ажиллана.
Дараагийн цахим сургалтыг Чех улсад зохион байгуулахаар төлөвлөн бэлтгэл ханган ажиллаж байна.

Холбоотой мэдээ

АИ92 шатахууны үнэ литр тутамд 250 төгрөгөөр нэмэгдлээ
Монгол Улсын заан цолны болзол хангасан бөхчүүдэд цол олголоо
Монгол Улсын Ерөнхийлөгч У.Хүрэлсүх соёолонгийн уралдаан үзэж сонирхлоо

Сэтгэгдэл бичих

Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд SHUGELULEEGCH.mn хариуцлага хүлээхгүй.
Сэтгэгдэл 0