НӨАТ-ын урамшууллын сугалааны тохирлын шууд нэвтрүүлэг 2025 оны 08 дугаар сарын 13-ны өдөр шинэчлэгдсэн журмын дагуу ebarimt аппликэйшн болон Боловсрол суваг телевизээр орон даяар шууд явагдлаа.

Энэ удаагийн тохиролд 2025 оны 07 дугаар сарын 01-нээс 31-ний өдрийн хооронд худалдан авалт хийж, 2025 оны 08 дугаар сарын 12-ны өдрийн 12 цаг 59 минутаас өмнө цахим төлбөрийн системд бүртгүүлсэн 52 045 936 баримт хамрагдсанаас:

-8 орон таарсан 1

-7 орон таарсан 5

-6 орон таарсан 62

-5 орон таарсан 460

-4 орон таарсан 4692

-3 орон таарсан 46753 баримт тохиролд таарч азтан боллоо.

"Сугалааны тохирлоор урамшуулал олгох, түүнийг явуулах журам"-ын 3.8-д заасны дагуу урамшууллын зэрэг, ангиллаас хамаарч гарсан сугалааны үндсэн урамшууллын дүнг азтанд олгохдоо байршлын нэмэгдэл урамшууллын дүнгээр нэмэгдүүлэн олгож байгаа юм. Цахим төлбөрийн баримт хэвлэлтийн өсөлтийн хувь хамгийн өндөр нь Увс аймаг 39%, Налайх дүүрэг +31%, Баянзүрх дүүрэг 23%, Дархан-Уул аймаг +17%, Хөвсгөл аймаг +14%, Булган аймаг +13% байлаа. Та бусад дэлгэрэнгүй мэдээлэл авах бол sugalaa.ebarimt.mn цахим хуудаснаас авах боломжтой