Хүнс, хөдөө аж ахуй, хөнгөн үйлдвэрийн яамны Салбарын хяналтын газраас рапс /тосны ургамал/ тариалсан тариаланчдын талбайд үзлэг шалгалт хийж, зөвлөмж хүргүүлэн ажиллаж байна.

Сүүлийн жилүүдэд рапс болон бусад тоонолжин цэцэгт таримлын (гич, төрөл бүрийн байцай, манжин) тариалангийн талбай эрс нэмэгдэж, үүнийг дагаад байцааны эрвээхэйн хэт олшролт болж байна. Байцайны хивэн эрвээхэй нь мөн тоонолжин цэцэгтний овгийн хог ургамлаар хооллодог. Эрвээхэйн тоо толгойн хэт олшролт нь хуурай, гантай нөхцөлд тохиолддог. Энэ нь рапсын тариаланг бууруулах,  устгах боломжтой эрсдэлд тооцогдож байна. Өөрөөр хэлбэл, өнөөгийн  хуурай, гантай нөхцөлд энэ эрвээхэй тоонолжтны овгийн таримлын тариалалтыг хязгаарлагч хүчин зүйл болоод байна. 

Байцайны хивэн эрвээхэйгээс тариалангаа хамгаалах зөвлөмж

Мэргэжилтнүүдийн өгч буй зөвлөмжөөр эрвээхэйн өндөг нь ихэвчлэн навчны доод талд эсвэл ишний ойролцоо хүрэхэд хэцүү газарт бэхлэгдсэн байдаг. Өндөгнөөс гарч буй авгалдай нь өндөгний хальсыг доод талаас нь хазаж цоолоод тэр даруй навчны эд рүү ордог (хөндийлдэг). Эхний өдрүүдэд авгалдай нь паренхим дотор амьдардаг бөгөөд контактын үйлчилгээтэй бодис хэрэглэвэл үр дүнгүй болно. Мөн системийн шавж устгах бодис нь навчны эдэд жигд бус нэвчдэг тул үйлчлэх бодисын тархалтыг навчны паренхим нь ихээхэн саатуулдаг.

Шавжны тоо огцом нэмэгдэхийн хэрээр шавж устгах бодисыг эсэргүүцэх механизм нь улам бүр хүчтэй илэрдэг тул аливаа химийн болон биологийн бэлдмэл нь 100 хувь үр дүнтэй байдаггүй. Судалгаагаар 2-2.5 долоо хоногоос илүүгүй хугацаанд үйлчилдэг тул байцааны хивэн эрвээхэйний асуудлыг нэг удаагийн шүршилт хийснээр шийдэх боломжгүй юм.

Рапс, гичийн талбайг ургац хураалтын дараа эргүүлж хагалах буюу хамгийн багадаа 5-10 см-ийн гүнээс эрвээхэй хүүхэлдэйнээс гадаргуу дээр гарч чадахгүй. Ихэнхдээ хүүхэлдэй нь ургамлын үлдэгдэл дор, сүрэлд хадгалагддаг бөгөөд бага температурт буюу хүйтэнд тэсвэртэй тул ямар ч өвлийг тэсвэрлэх чадвартай байдаг байна.