Сүүлийн өдрүүдэд БНХАУ-ын хойд бүс нутгаар, тэр дундаа Хөбэй муж, Бээжин, Тяньжинь болон ӨМӨЗО-ы Хөххот зэрэг бүс нутгуудад хүчтэй аадар бороо орж, зарим газар нь үерт автаад байна. Улмаар Хятадын Цаг уурын товчоо, Ус ашиглалтын яамны Гамшгаас урьдчилан сэргийлэх төв, Бээжин хотын Онцгой байдлын газар болон Үерийн хамгаалалтын штаб зэрэг байгууллагууд үерийн гамшгаас урьдчилан сэргийлэх, үерт автах эрсдэл өндөр бүс нутагт оршин суугаа иргэдийг нүүлгэн шилжүүлэх арга хэмжээ авч байна. 

Мөн ойрын өдрүүдэд хүчтэй аадар бороо орох тухай цаг уурын урьдчилсан мэдээлэл байгаа тул БНХАУ-д зорчих болон тус улсад ажиллаж, амьдарч байгаа иргэд Та бүхэн тус Цаг уурын товчоо болон бусад холбогдох байгууллагаас гаргаж буй цаг агаарын мэдээ мэдээлэлтэй тухай бүр танилцаж, үерийн эрсдэлтэй бүс нутгаар зорчихгүй байж, үер усны аюулаас болгоомжлохыг Монгол Улсаас БНХАУ-д суугаа Элчин сайдын яамнаас анхааруулж байна.