Эн Эйч Кэй болон олон нийтийн хэвлэл мэдээллийн хэрэгслээр тус цунамигийн талаарх мэдээг тасралтгүй мэдээлж, иргэдийг аюулгүй байдлаа хангахыг анхааруулж байна. Иймд манай иргэдээс Номхон далайн эрэг орчимд нам дор газар амьдардаг, аялал жуулчлалаар дээрх бүсэд зорчиж байгаа бол яаралтай урьдчилан сэргийлэх, нүүн шилжих арга хэмжээ авахыг анхаарууллаа.

Японы Метеорологийн Агентлагаас хийлгэсэн хэвлэлийн бага хурлын үеэр Газар хөдлөлт, цунамитай тэмцэх асуудлын арга зүйч Ш.Киёмото иргэдэд хандан "Далайн эргийн бүсүүд болон далайд цутгадаг голын дагуу оршин суудаг иргэд өндөрлөг газар буюу бөх бат барилгын дээд давхар гэх мэт аюулгүй газарт нүүн шилжих”-ийг зөвлөсөн байна.

Тэрээр "Цунамигийн эхний давалгаа 10 цаг орчимд ирнэ. Цунамигийн давалгаанууд ар араасаа удаан хугацаанд давтагдах ба эхний давалгааны араас ирэх давалгаанууд илүү том байх магадлалтай. Иймд цунамигийн сэрэмжлүүлэг хүчингүй болох хүртэл анхаарал болгоомжтой байж, нүүн шилжсэн хэвээр  байхыг зөвлөж байна" гэжээ. 

Цүнамигийн мэдээг Японы олон нийтийн “Эн Эйч Кай” телевизийн сайтаас орж, англи хэл дээр олж үзэж болно.

Мөн доорх холбоосоор орж, гамшгаас сэргийлэх аппликэшн гар утсандаа суулгаж болохыг зөвлөлөө.