Сэтгэгдэл 0
АНУ-д тархаад байгаа “зомби буга”-ын өвчин хүнд халдварлаж, амиа алдсан анхны тохиолдол бүртгэгджээ. Албан ёсоор архаг ядаргааны өвчин хэмээн нэрлэсэн энэ вирус нь өвчилсөн амьтдад хэт турах, шүлс гоожих, тамирдах, тархины үйл ажиллагаа алдагдах, хүнээс айхаа болих зэрэг шинж тэмдэг илэрч эцэст нь яг л зомби мэт болгодог галзуу өвчний нэг төрөл гэж эрүүл мэндийн албаныхан тайлбарлаж, амьтнаас хүнд халдварлах эрсдэлтэй хэмээн үзээд иргэдэд тогтмол анхааруулах арга хэмжээ аваад байсан билээ. Гэтэл Вайоминг мужид хоёр анчин агнасан бугын махнаасаа уг вирусийн халдвар авч амиа алджээ. Амиа алдсан анчид 2022 онд халдвартай бугын мах идсэнээс хөл хорионд орж, эмчилгээ хийлгэж байсан аж. Тэдний нэг болох 72 настай эрэгтэй энэ хугацаанд ухаан мэдрэлээ алдах, тээнэгэлзэх, огцом түрэмгий аашлах зэрэг шинж тэмдэг илэрч байсан байна. Мөн эмч нарын хийсэн шинжилгээгээр Круцфильд-Жекобын өвчин, үхрийн галзуу өвчин туссан нь оношлогдож байсан. Шалтгаан нь зомби вирустай бугын мах гэж албаныхан мэдээлэв.
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд SHUGELULEEGCH.mn хариуцлага хүлээхгүй.