Канадад төвтэй, металлын хайгуулын чиглэлээр үйл ажиллагаа явуулдаг “T1n Mining” компани Монгол Улс дахь “Оорцог овоо” ордыг хамтран хөргжүүлэхээр стратегийн түншлэл байгуулсан тухай уул уурхайн алдарт “Mining” портал мэдээллээ. Уг орд нь жилдээ 2700 гаруй тонн цагаан тугалга олборлох боломжтой, цагаан тугалганы том тоглогч болох боломж бүхий төсөл гэж дүгнэсэн байна.

“Оорцог овоо”-гийн хайгуулын лицензийг эзэмшиж буй “T1n Mining” нь Хятадын “China Minmetals” корпорацтай төслийг хамтран гүйцэтгэхээр болжээ. Улмаар Хятадын компани олборлолт хийж эхлэх хүртэлх бүх зардлыг хариуцах юм байна. Бүтээн байгуулалтын ажил багадаа хоёр жил үргэлжлэх төлөвтэй байна.