Афганистан улсын засаг захиргаа болох Талибууд шатрын спортыг шашны эсрэг агуулгатай гэж үзэн тодорхойгүй хугацаагаар хориглох шийдвэрийг гаргасан байна. Шийдвэрийн дагуу Афганистан улсын шатрын холбоо татан буугдаж, энэ спорттой холбоотой бүх арга хэмжээг цуцалжээ.

Сүүлийн жилүүдэд шатрын спорт Афганистанд дэлгэрч, хичээллэгсдийн тоо ч нэмэгдэж байгаа юм. Уг шийдвэр гарахаас хоёр долоо хоногийн өмнө тус улсын нэр бүхий тамирчид Засгийн газраасаа дэмжлэг хүсээд байжээ. Хориг тогтоосон хугацаанд шатрын сургалт болон бусад үйл ажиллагаа явуулсан тохиолдолд хатуу арга хэмжээ авахаар шийдвэрт тусгасан байна.