Энэ оны эхний улирлын байдлаар АМНАТ-өөс 353.2 тэрбум төгрөгийн орлого төвлөрчээ. Үүнийг өнгөрсөн оны мөн үетэй харьцуулахад 68.9%, мөнгөн дүнгээр илэрхийлбэл 783 тэрбум төгрөгөөр буурсныг Үндэсний статистикийн хорооны тайланд дурджээ. АМНАТ-ийн орлого буурсан нь мөнөөх л нүүрстэй холбоотой. БНХАУ-ын томоохон боомтуудад нүүрсний нөөц нэмэгдэж, үүнээс үүдэн нүүрсний үнэ буурсантай холбоотой байна. Үнэ буурснаас шалтгаалан олборлолт багасаж улмаар АМНАТ-ийн орлого төвлөрөлт саараад байгаа аж.

АМНАТ-ийн орлого саарч байгаагаас шалтгаалан Үндэсний баялгийн сангийн тухай хуулийн нэмэлт, өөрчлөлтөөр баялгийн санд төвлөрч буй АМНАТ-ийг иргэд болон орон нутагт тэгш хүртээмжтэй хуваарилах зорилгоор Ирээдүйн өв санд 50%-г нь хуримтлуулахаар төлөвлөж байгааг Ерөнхий сайд мэдээлэлдээ дурдсан билээ.