Энэ долоо хоногийн эхээр түүхэн дээд цэгтээ хүрч өсөөд байсан зэсийн ханш Трампын тарифын дайнаас шалтгаалан огцом уналаа. КОМЕКС бирж дээр ирэх сард нийлүүлэх зэсийн ханш фунт нь 4839 ам.долларт хүрч энэ долоо хоногийн дээд амжилтаас 10% буурсан үзүүлэлт юм. Үүний зэрэгцээ Лондонгийн металын бирж дэрх зэлийн үнэ хоёр хувиар буурч, тонн тутамдаа 9510.5 ам.долларт хүрлээ.

АНУ-ын Ерөнхийлөгч өчигдөр тарифын дайныг дэлхийн 185 улсад өдөөж буйгаа зарласан. Ялангуяа БНХАУ-д 54 хувийн тариф тогтооно гэж мэдэгдсэн нь Хятадын дургуйцлыг хүргэж БНХАУ-ын зүгээс хариу арга хэмжээг яаралтай авахаа зарласан билээ. Түүнчлэн Япон болон Европын холбоо, хөрш зэргэлдээ Канад улс ч ойрын хугацаанд АНУ-д хариу барих хүлээлттэй байна.

Зэсийн ханшийн уналтаас шалтгаалж томоохон үйлдвэрлэгчдийн хувьцааны ханш унажээ. Тухайлбал “Англо Американ” компанийн хувьцаа 6.3%, “Гленкор” компанийн хувьцаа 6.1%, “Фрийпорт-МакМоран” компанийн хувьцаа 7.9% тус, тус унаад байна. Хөрөнгө оруулагчид тарифын бодлогын үр дагаврыг ихээхэн мэдэрч байгаа тул зэсийн ханшийн уналт цаашдаа үргэлжилж болзошгүйг шинжээчид анхаарууллаа. “Ситигрупп” санхүүгийн компанийн таамаглаж байгаачлан хоёрдугаар улиралд зэсийн ханш тонн тутамдаа 8500 ам.доллар болтлоо буурч магадгүй гэж таамаглаж байна.