Умард Солонгосын төрийн мэдлийн төв агентлагийн мэдээлснээр нэн шинэ үеийн технологид суурилсан, хиймэл оюун бүхий нисгэгчгүй онгоцыг туршиж байгааг мэдээллээ. Туршилтыг Умардын удирдагч Ким Жон Ун биечлэн удирдаж байгаа аж. Умард Солонгосын нисгэгчгүй агаарын технологийн цогцолбор уг нисгэгчгүй онгоцнуудыг судалгаан дээр түшиглэн үйлдвэрлэжээ.

Шинэ үеийн нисгэгчгүй онгоцнууд нь стратегийн өөр, өөр зорилтод түшиглэн хуурай газар болон далайн процессыг хянах чадвартай бол довтолгооны нисгэгчгүй онгоц нь тактикын янз бүрийн довтолгоонд ашиглах боломжтой гэдгийг албан мэдээлэлд дурджээ. Төрийн мэдээллийн агентлагт нийтлэгдсэн зурагнуудаас харахад довтолгооны нисгэгчгүй онгоцнууд нь газрын бай тэр дундаа цэргийн тээврийн хэрэгслийг устгах даалгавар гүйцэтгэж байна.

Умард Солонгосын удирдагч Ким Жон Ун нисгэгчгүй хиймэл оюунд суурилсан үйлдвэрлэлийн хүчин чадлыг нэмэгдүүлэх чиглэл өгөөд удаагүй байна. Мөн тус улс ойрын хугацаанд орчин үеийн дайны чиг хандлага, шинэ тутам хөгжиж буй технологийг батлан хамгаалах салбарт нэвтрүүлэх бодлого баримталж байгаа юм.