“Самсунг Электроникс” компанийн гүйцэтгэх захирлуудын нэг Хан Жонг Хе 63 насандаа зүрхний шигдээсээр нас баржээ. Тэрбээр 1962 онд төрсөн бөгөөд Самсунгтай ажил амьдралынхаа замыг залгаж, зурагтны технологийг шинэ шатанд гаргах тал дээр 30 жилийн хөдөлмөрөө зориулсан юм. Тэрбээр 2022 онд “Самсунг Электроникс” компанийн ТУЗ-ийн дэд дарга бөгөөд гүйцэтгэх захирлаар томилогдсон байна.

Хан Жонг Хе нь 1988 онд Инха их сургуульд цахилгааны инженерийн чиглэлээр суралцан төгсөж, тус компанид ажилд оржээ. Улмаар дэлгэцийн үйл ажиллагааг сайжруулах нэгжийг хариуцаж байсан. Ялангуяа Самсунг ЛЕД зурагтыг хөгжүүлэхэд голлох үүрэгтэй оролцжээ.

Компанийн албан ёсны мэдэгдэлд дурдсанаар “Хан Жонг Хе нь цахилгаа бараа, гэр ахуйн хэрэгслийн бизнесийн тэргүүний хувьд “бизнесийн хүнд хэцүү орчинд” компанийн өсөлтөд голлох хувь нэмэр оруулсан юм” гэдгийг дурджээ. Одоогоор компанийн зүгээс түүний суудалд хэнийг томилохоо эцэслэн шийдээгүй байна.