“Парис-2024” зуны олимпын эмэгтэйчүүдийн боксын тэмцээний үеэр дэгдсэн хүйстэй холбоотой асуудал нь Оросын эрх баригчдын суртал ухуулга байсан гэж Олон улсын олимпын хорооны ерөнхийлөгч Томас Бах мэдэгдлээ. Учир нь Олон улсын сонирхогчдын боксын холбоог Оросын тэрбумтан тэргүүлдэг тул олимпын үеэр санаатайгаар, улс төрийн зорилгоор суртал ухуулга тараасан гэж тэрбээр үзэж байна.

Өнгөрсөн зун болсон “Парис-2024” зуны олимпын эмэгтэйчүүдийн боксын төрөлд Алжирын тулаанч Имане Хелиф, Тайванийн тулаанч Лин Ю-Тинг нар алтан медаль хүртсэн. Хэдийгээр тэд амжилт гаргасан ч гадна төрх, харагдах байдлаараа олны хэл ам дагуулсан билээ. ОУОХ тухайн үед уг хоёр тамирчинг Сонирхогчдын боксын холбоо санаатайгаар тэмцээнд явуулсан гэж хүртэл мэдэгдэж байв. Олимпын наадмын өмнө 2022 онд дээрх хоёр тамирчинд хромосомын шинжилгээ авахад тэнцээгүй ч наадмын өмнөхөн ОУОХ дээрх хоёр тамирчинг оролцох эрхтэй гэж мэдэгдсэн юм. Одоо ч дээрх хоёр тамирчны хүйтэй холбоотой асуудал маргаантай сэдэв хэвээр байна.

ОУОХ-ны ерөнхийлөгч Томас Бах үүнээс гадна ОХУ-ын санаатай явуулгаар серверт халдах, хакердах, худал мэдээлэл тараах явдал байсан гэдгийг хүлээн зөвшөөрчээ. Томас Бахын бүрэн эрхийн хугацаа энэ зургаадугаар сард дуусгавар болно.