Он гарснаас хойш улсын төсвийн нийт орлого, тусламжийн хэмжээ 4.1 их наяд төгрөгт хүрсэн нь өмнөх оны мөн үеэс 22.9% буурсан үзүүлэлт юм. Зарлага нь дагаад өссөн. Улсын нэгдсэн төсвийн нийт зарлага он гарснаас хойш 4.6 их наяд төгөрг болж өмнөх оны мөн үеэс даруй 22.1% өссөн байна.Энэ нь юу гэсэн үг вэ гэвэл төсвийн алдагдал 565.8 тэрбум төгрөгт хүрсэн гэсэн үг юм. 

Татварын нийт орлого оны эхний хоёр сард 3.8 их наяд төгрөг болж, өмнөх оны мөн үеэс 1.1 их наяд төгрөгөөр буурчээ. Төсвийн зарлага өсөхөд бараа, үйлчилгээний зардал өмнөх оны мөн үеэс 31.1 хувиар, урсгал шилжүүлэг 32.5 хувиар тус тус өссөн нь голлон нөлөөлсөн аж.