Улс төр

Н.Учрал: НҮБ-ын Тогтвортой хөгжлийн стандартыг төрийн өмчит компаниудад нэвтрүүлнэ

2025/02/13
Монгол Улсын сайд, Засгийн газрын Хэрэг эрхлэх газрын дарга Н.Учрал НҮБ-ын Хөгжлийн хөтөлбөрийн суурин төлөөлөгч Матилда Димовскаг хүлээн авч уулзав.
 
Уулзалтын үр дүнд төрийн өмчит компанийн реформын хүрээнд НҮБ-ын Хөгжлийн хөтөлбөрийн SDG Impact Standards буюу Тогтвортой хөгжлийн зорилгын нөлөөллийн стандартыг Төрийн өмчит компаниудад үе шаттай нэвтрүүлэх чиглэлээр хамтран ажиллахаар тохирлоо.
 
Төрийн өмчит компаниуд эдийн засгийн үр ашгаас гадна нийгэм, байгаль орчинд ээлтэй, олон улсад хүлээн зөвшөөрөгдсөн стандартыг нэвтрүүлснээр нүүрстөрөгч багатай, бүтээмжтэй, хүртээмжтэй ногоон эдийн засгийг хөгжүүлэх зэрэг Монгол Улсын урт хугацааны бодлогын зорилтууддаа хүрэх нөхцөл бүрдэнэ.
 
Матилда Димовска мөн хөгжлийн AGENDA 2.0 буюу ногоон шилжилт, хүний нөөцийн шилжилт, хиймэл оюуны шилжилтийн хүрээнд Монгол Улсын засгийн газартай улам нягт хамтран ажиллахдаа итгэлтэй буйгаа илэрхийллээ гэж Монгол Улсын Засгийн газрын Хэрэг эрхлэх газраас мэдээллээ. 

Холбоотой мэдээ

МИАТ: Маргаашийн зарим нислэгийн цагийн хуваарьт өөрчлөлт орлоо
Бүсчилсэн хөгжлийн хороо нийслэлийн 2026 оны газар зохион байгуулалтын талаар хэлэлцүүлэг өрнүүллээ
Одоогоор хаагдсан зам, даваа байхгүй

Сэтгэгдэл бичих

Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд SHUGELULEEGCH.mn хариуцлага хүлээхгүй.
Сэтгэгдэл 0