Asianews.network- Монгол Улс, Лаосын аудитын газрууд хоёр орны төрийн хяналтыг сайжруулах замаар санхүүгийн удирдлагыг бэхжүүлэх тал дээр хамтран ажиллахаар боллоо. Лаосын нийслэл Вьентиан хотод зохион байгуулсан хамтын ажиллагааны гэрээ байгуулах ёслолд тус улсын Төрийн аудитын байгууллагын Ерөнхийлөгч ноён Вьентавизон Теппачан, Монгол Улсын Үндэсний аудитын газрын дарга Дэлэгийн Загджав нар болон бусад удирдах албан тушаалтнууд байлцаж, гэрээнд гарын үсэг зуржээ.

Монгол Улсын Үндэсний аудитын газрын дарга Д.Загджавын Лаост хийж буй айлчлал нь хоёр орны төрийн хяналтын байгууллагуудын олж авсан мэдлэг, туршлагаас хуваалцахад чиглэж байгаа юм.

Манай хоёр орны хувьд 1962 онд дипломат харилцаа тогтоосон бөгөөд өнөөдрийг хүртэлх 63 жилийн түүхэнд хамтын ажиллагааны хүрээнд аудитын байгууллагуудын хамтын ажиллагааг өргөжүүлж, улам бэхжүүлэхээр шийдсэн нь энэ аж.

Лаосын Төрийн аудитын газар, Монгол Улсын Үндэсний аудитын газрын төлөөлөгчид уул уурхайн удирдлагын аудит, эрсдэл суурьтай аудитын ажиллагааны талаар туршлага солилцсон байна. Мөн хоёр талын хамтын ажиллагааны ололт, амжилтын талаар ярилцаж, дүгнээд ирээдүйн үйл ажиллагааны чиглэл хэрхэн байх талаар зөвлөлдөж, төрийн хяналт, сургалт зохион байгуулах, хоёр талын дундын ашиг сонирхолтой асуудлуудаар ярилцаж, бүсийн болон олон улсын хэмжээнд харилцан дэмжлэг үзүүлэх стратегийн талаар хэлэлцсэн байна.