Италийн цагдаа тус улсын Сицили, Палермо орчимд идэвхжиж буй мафийн бүлэглэлүүдийг нухчин дарах ажиллагаа зохион байгуулжээ. Сүүлийн арван жилийн хугацаанд хамгийн томд тооцогдох уг ажиллагаанд 1,200 гаруй цагдаагийн албан хаагч оролцож, Карабиньеригийн цэргийн тусгай хүчнийхэн хүч нэмэгдүүлж, зохион байгуулалттай гэмт бүлэглэлүүд нэгдэж, том хэмжээний мафи байгуулах оролдлогыг таслан зогсоохыг зорьсон гэж албаныхан тайлбарлав.

Сүүлийн саруудад хуучин мафийн толгойлогчид ялаа эдэлж дуусган шоронгоос суллагдсанаас гадна торны цаана үлдсэн нь шифрлэсэн гар утас ашиглаж, зохион байгуулалтанд орох, нэгтгэх ажиллагааг зохион байгуулсаар байгаа нь Италийн Засгийн газраас эрчимжүүлсэн арга хэмжээ авахад хүрсэн байна. Гэмт хэргийн ертөнцөд хамгийн зартай мафийн нэг Сицилийн Коса Нострагийн “үүсгэн байгуулагч эцгүүд” эргэн нэгдэх үйл ажиллагааг идэвхтэй зохион байгуулж буйгааг олж тогтоосон гэнэ.

Италийн цагдаагийн газрын мэдээлснээр мафийн бүлэглэлүүдийн үйл ажиллагааг таслан зогсоох ажиллагааны үеэр 181 хүнийг баривчлаад байна.