Дэлхий дахин ,Бусад

Хүн төрөлхтөн 89 секундийн дараа “мөхнө”

2025/01/30
“Мөхлийн цаг” гэж “Bulletin of the Atomic Scientists” гэх ашгийн бус байгууллагаас хүн төрөлхтийг цөмийн мөргөлдөөн, цаг уурын өөрчлөлт эсхүл гадаад хүчин зүйлсийн нөлөөгөөр мөхөлд ойртох хугацааг заан анхааруулдаг зүйрлэлийн чанартай цаг ажилладаг. Тус байгууллагын Шинжлэх ухаан, аюулгүй байдлын зөвлөл дэлхий дахин өрнөж буй үйл явдалуудад үндэслэн уг цагийн ургшлуулах эсвэл ухраахыг шийддэг юм. Хэдийгээр цаг мөхлийг шууд заахгүй ч гэлээ хүн төрөлхтний оршихуйг сүйрүүлж мэдэх заналхийлэлд олон нийтийн анхаарлыг татах зорилготой гэж ойлгож болно.

Мөхлийн цагийн минутийн зүү шөнө дунд руу ойртохын хэрээр бидний сүйрэл ойрхон ирлээ гэсэн үг бөгөөд шөнө дунд гэдэг нь иргэншлийн сүйрэл, оршихуйн хямралыг илэрхийлнэ. Харин 2025 он гарснаар BAS-ийн эрдэмтэд мөхлийн цагийн зүүг нэг секундээр урагшлуулж, хүн төрөхлтөн мөхөхөд 89-хөн секунд үлдсэнийг анхаарууллаа.
Уг цагийг дараах байдлаар хэд хэдэн удаа урагшлуулж байв:
  • 1947: Цагийг анх ажиллуулж эхлэхдээ шөнө дунд хүртэл долоон минут үлдсэн нь Хүйтэн дайны эхлэл, цөмийн зэвсгийн хөгжлийг анхааруулжээ.
  • 1953: Дахин хоёр минутаар урагшлуулж, АНУ, Зөвлөлтийн устөрөгчийн бөмбөгийн туршилтыг анхааруулав.
  • 1991: Хүйтэн дайн дуусаныг тэмдэглэж, цагийг шөнө дунд хүртэл 17 минут дээр тохируулсан нь хүн төрөлхтний түүхэнд сүйрлийн мөчөөс хамгийн хол ухарсан тохиолдол гэж бүртгэгджээ.
  • 2018: Шөнө дунд хүртэл хоёр минутаар урагшилсан нь цөмийн зэвсэг, цаг уурын өөрчлөлтийн аюулыг анхааруулжээ.
  • 2023: Өнөөдөр ч дэлхий дахины өрнөж буй цөмийн зэвсгийн түгшүүр, цаг уураас улбаатай хүндрэл гээд дэлхийн олон асуудал цагийг шөнө дунд хүртэл 90 секун болгож, огцом урагшлуулсан байна.

Холбоотой мэдээ

Литва улс Беларусьтай хиллэх хилээ хаажээ
Ази тив дэлхийн дунджаас хоёр дахин хурдтай дулаарч байна
Австрали хүнд гэмт хэрэг үйлдсэн ч шүүхийн шийдвэрээр хугацаагүй ял өгөх боломжгүй гадаад иргэдийг Науру арал руу шилжүүлнэ

Сэтгэгдэл бичих

Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд SHUGELULEEGCH.mn хариуцлага хүлээхгүй.
Сэтгэгдэл 0