Хэдхэн хоногийн дараа Ерөнхийлөгчийн ажлаа хүлээлгэн өгөх Жо Байден Лос Анжелесийн түймэрт өртсөн хохирогчдод тусламж үзүүлж, нэг удаа 770 долларын тэтгэмж олгох шийдвэр гаргасан. Гэтэл түүний энэ шийдвэр нийт ард иргэдэд огтхон ч таалагдсангүй. АНУ-ын хэвлэлүүдээр дайныг олон тэрбумаар нь санхүүжүүлдэг Жо Байден иргэдэдээ хорголоо тооллоо гэх утгатай хурц шүүмжлэл хөвөрсөөр байна. Учир нь, Жо Байден 2022 онд Орос-Украинийн дайн эхэлснээс хойш Украинийн газар нутаг, эрх чөлөөг хамгаалах нэрийн дор олон тооны зэр зэвсгээс гадна удаа дараагийн санхүүгийн дэмжлэг үзүүлж, нийт 2.5 тэрбум доллар өгсөн. Гэтэл түймэрт өртөн хохирсон иргэн тус бүрд 770 доллар нэг удаа олгохоор болсон нь дэндүү чамламаар тул ийнхүү олон нийтийн дургүйцлийг төрүүллээ. Лос Анжелес хотын Гал унтраах алба болон онцгой байдлынхны хийсэн судалгаагаар нэн яаралтай хоол хүнс, ус, орох орон хэрэгцээтэй иргэдийн тоо өнөөдрийн байдлаар 6,800 гаруй байна. Ингээд тусламжийн 770 долларыг дээрх иргэдийн тоонд үржүүлбэл ердөө 5.1 сая доллар болно.