Испанийн Засгийн газар Их Британи тэргүүтэй Европын холбооны бус орны иргэд үл хөдлөх хөрөнгө худалдан авсан тохиолдолд 100%-ийн татвар оногдуулахаар төлөвлөж байна. Ерөнхий сайд Депро Санчез энэ шийдвэрийн талаар зарлахдаа дотоодод үүссэн орон сууцны хямралыг шийдвэрлэх үүднээс ийн гэнэтийн алхам хийх болсон гэж тайлбарлажээ. “Барууны ертөнцөд энэ мэт шийдэмгий нүүдэл их хийж буй. Зорилго нь иргэдийг баян газрын эзэд, ядуу түрээслэгчид гэсэн хоёр давхаргад хуваахаас сэргийлэх юм” гэж П.Санчез цааш нь ярьсан байна. Европын холбооны бус улс, орны иргэд өнгөрсөн 2023 онд Испанид 27,000 гаруй үл хөдлөх худалдан авсан тон баримт байна. Гэхдээ өөрсдөө амьдрах бус түрээсэлж, орлого олох зорилго нь Испанийн дотоодод орон сууцны хямрал үүсгэх нэг шалтгаан болж байна гэжээ. Гол нь, дээрх эрс шийдвэрийг Засгийн газар дахин сайтар нягталсны эцэст батлан хэрэгжүүлэх боломжтой эсэхийг тодорхой болгох юм байна.