Time.com - АНУ-ын сансар судлалын НАСА агентлаг Ангараг гарагийн хөрс, чулууны дээж цуглуулж, эх дэлхийдээ авч ирж, судлах төсөл хэрэгжүүлээд бараг хагас зууныг үдсэн. Төсөв мөнгөний гачигдлаас болж, удтал хүлээлгэсэн уг төслийг 2009 онд Европын сансрын агентлагтай хамтран хэрэгжүүлэхээр болж, 2021 оны хоёрдугаар сард Персевиранс нэртэй сарнаа явагчийг Улаан нүдэн гараг руу илгээж, амжилттай ажиллаад дөрвөн жил болох гэж байна. Ангараг гарагийн хөрс, чулууны дээж болох гуч гаруй өрөмдлөгийн сорьцыг титан бортогонд хийж, дэлхий рүү буцаан илгээх энэ төсөл цаг хугацаа, олон тэрбумыг зарцуулсан боловч тэр их хичээл зүтгэл талаар болох эрсдэлтэй тулгарсан талаар албаныхан мэдээлэв. Энэ сарын 07-нд болсон хэвлэлийн бага хурал дээр НАСА-гийн удирдлага Билл Нельсон Ангаргаас дээж ав ирэх төслийг эргэн харж, дахин төлөвлөхгүй бол төлөвлөгөөт зардал нь хэдийн хэрээс хэтэрч, хэрэгжих хугацаа улам хойшилсоор хөрөнгө мөнгө нь шавхагдаж, төслийг бүрэн хэрэгжүүлэх боломжгүй болзошгүй эрсдэлт нөхцөл бий болсныг анхаарууллаа. Мөн түүний хэлснээр өнгөрөн оноос төлсийн зардал огцом нэмэгдсэн бөгөөд анх тооцоолсон зардал 11 тэрбум ам.доллараас давна. Иймд санхүүжилт яаралтай шийдвэрлэхгүй бол Ангарагаас дээж авч ирэх ажил 2040 он хүртэл хойшилно гэлээ. Төсөл ийнхүү хугацаа алдсанаар хүн төрөлхтөн харь гарагт хөл тавих, судлах, суурьших гэх мэт ирээдүйн бүхий л зорилт, төлөвлөгөө нурах аюултай байна.