Улс төрийн хүрээлэлд нөлөө бүхий эрхэм байсан Жимми Картерийг сүүлчийн замд нь үдэх ёслол өчигдөр АНУ-ын Вашингтон хотод болж, өнөө цагийн улс төрийн зүтгэлтнүүд ирж, хүндэтгэл үзүүлжээ. Тэдний дундаас олны анхаарлыг татаад буй хоёр хүн бол их л чухал царайлан хоорондоо шивнэлдэх Барак Обама, Дональд Трамп нар байв. Тэд нэгэн цагт улс төрийн өрсөлдөгчид байсан бөгөөд оршуулгын ёслол эхлэхийн өмнө юун тухай шивнэлдэн инээлдсэнийг нь хэвлэлүүд ихэд сонирхсон байна. Амны хайрцаг уншдаг мэргэжилтнүүд тэдний яриаг сэм чагнаж, тэдний яриаг ил болгосон байх юм. Амны хайрцаг уншдаг Жереми Фриман гэх шинжээч улс төрийн болон хувийн асуудлаар хэдэн минутийн турш ярилцсан гэв. Д.Трамп Б.Обамагийн чихэнд: “Би өнөөхийг чинь болгочихсон шүү дээ. Болзол нь ийм. Санаанд чинь багтаж байна уу?” хэмээн шивнэсэн ч чухам юун талаар ярьж байсан нь тодорхойгүй гэж Ж.Фриман тайлбарлажээ. Хэсэг хугацааны дараа Д.Трамп “Дараа болъё, хүнгүй газар очиж ярилцъя. Маш ухал хэрэг учраас гадаа гарч байгаад тусдаа учраа ололцъё, өнөөдртөө шүү.” гэж шивнэхэд Б.Обама зөвшөөрсөн хариу өгч толгой дохив.

Тэд маш тайвнаар хоорондоо харилцаж, хов жив ярьж буй мэт их нухацтай царайлж байсан гэж биеийн хэлэмж судлаач Жүди Жеймс бичжээ. Үүнээс үзэхэд тэд улс төрийн талбар дээр хүчтэй өрсөлдөгч ч гэлээ энгийн амьдрал дээрх харилцаа нь тун дотно гэж дүгнэж болохоор буй аж.