Тээврийн салбарт дүн шинжилгээ хийдэг Инрикс компани шинэ тайлангаа танилцуулах гэж байна. Гэхдээ тус компанийн зүгээс урьдчилсан байдлаар зарим нэг мэдээллийг ил гаргажээ. Уг тайланд өнгөрсөн 2024 онд Инрикс компанийн үйлчилгээ үзүүлдэг 37 улсын 900 гаруй хотод хийсэн дүн шинжилгээний нэгдсэн дүнг танилцуулах юм байна. Инрикс компанийн шинжээч Боб Пишьюгийн сонирхуулснаар манай гарагийн хамгийн их түгжрэлтэй хотоор Ангийн Лондоныг нэрлэв. Лондон хотын жолооч нар өнгөрсөн онд нийт 101 цагийг түгжрэлд өнгөрөөжээ. Үүнийг мөнгөн дүнд шилжүүлбэл дөрвөн сая гаруй жолооч тус бүр 942 фунтстерлинг буюу нийт 3.85 тэрбум фунтстерлингийн хохирол амссан гэнэ. Харин 2023 оны тухайд АНУ-ын Нью-Йорк хот 101 цаг түгжирч дэлхийн хамгийн түгжрэлтэй хот болж байлаа. Европын хамгийн их ачаалалтай замтай удаах хотоор Парис тодорчээ. Тэнд өнгөрсөн жил нийт 97 цаг түгжирсэн бол гуравдугаарт 81 цаг түгжирсэн Дублин хот бичигдсэн гэнэ. Харин дэлхийн хэмжээнд Туркийн Истанбул хот хамгийн түгжрэлтэй хот аж.