ВВС – БНСУ-ын цагдаагийн газраас өнгөрсөн арванхоёрдугаар сард хэдхэн цагийн настай онц байдал зарласан хэргээр шүүхэд дуудагдсан ч өнөөдрийг хүртэл “гүрийсэн” Ерөнхийлөгч асан Юн Сүк Ёлийг гэрээс нь баривчлах гэж оролдсон ч хүчтэй эсэргүүцэлтэй тулгарчээ. Өчигдөр орой 23:00 цагт явуулсан баривчлах ажиллагаанд хорь орчим цагдаагийн албан хаагч оролцсон байна. Туханй үед Юн Сүк Ёлийн дэмжигчид цугларсан тул нөхцөл байдал туйлын хүнд байсан гэж газар дээрээс нь сурвалжилсан сэтгүүлчид онцолжээ. Баривчилгааны дараа Юн Сүк Ёлийн өмгөөлөгч олон нийтэд хандан мэдэгдэл хийхдээ хууль бус баривчлах зөвшөөрлийн эсрэг заргалдана гэлээ.

БНСУ-ын Дээд шүүх Юн Сүк Ёлийг эрх мэдлээ хэтрүүлэн ашигласан хэрэгт татаж, зарлан дуудах хуудас илгээсэн боловч заасан хугацаанд ирээгүй тул түүнийг баривчлах тушаалыг энэ долоо хоногийн эхээр гаргаад байсан билээ. Өмнөд Солонгос улс нь богино настай дайны онц байдал зарласны улмаас улс төрийн хямралтай байгаа юм. Хэдийгээр Юн Сүк Ёлийг өнгөрсөн арванхоёрдугаар сарын 14-нд хууль боловсруулагчдын саналаар суудлаас нь түдгэлзүүлсэн ч гэлээ БНСУ-ын Үндсэн хуулийн шүүхийн шийдвэрээр албан ёсоор нь ажил үүргээс нь буулгах юм. Шүүхээс баривчлах тушаал гаргасан ч дээрх шалтгаанаар Ерөнхийлөгчийн бүрэн эрхийн хугацаа нь хүчин төгөлдөр байгаа энэ үед хууль хяналтынхан дэмий сүржигнэхээс өөр юу ч хийж чадахгүй байна.