Гаити улсын нийслэл Порт О Принс хотод ашиглалтанд орсон тус улсын хамгийн том төв эмнэлгийн нээлтийн үйл ажиллагааны үеэр галт зэвсэгтэй бүлэг этгээд халдлага үйлдэж, тэнд цуглараад байсан энгийн иргэд, хэвлэлийнхэн, цагдаагийнхан, эмч, сувилагч, ажилтнууд руу гал нээсэн хэрэг гарлаа. Хэрэг явдлын улмаас гурван хүн амиа алдаж, хэд хэдэн хүн шархадсан байна. Орон нутгийн эрх баригчдын мэдээлснээр амиа алдсан гурваны хүний хоёр сэтгүүлч, нэг нь цагдаагийн албан хаагч байжээ. Халдлагын хариуцлагыг тус бүс нутгийг өнгөрсөн долоодугаар сар хүртэл мэдэлдээ аваад байсан Вив Ансанм бүлэглэл үйлдсэнээ хүлээжээ.

Гаити улс нь 2021 онд тухайн үеийн Ерөнхийлөгч агсан Йовенель Мойзийг хөнөөснөөс хойш зэвсэгт бүлэглэлүүдийн хүчирхийлэл газар аваад байгаа юм. Хэдийгээр Засгийн газрын цэргүүд өнгөрсөн долоодугаар сард нийслэл хотыг буцааж авсан боловч 85% нь өнөөдөр ч зэвсэгт этгээдүүдийн мэдэлд хэвээр байгаа гэсэн мэдээлэл байна. НҮБ-ын өгсөн мэдээллээр зөвхөн энэ жилд 5,000 гаруй хүн зэвсэгт бүлэглэлүүдийн хүчихийлэлд өртөн амь насаараа хохироод байгаа аж.