БНХАУ-ын ажилчид дэлхийн хамгийн том диаметртэй усан доорх хонгил барьж, цоо шинэ дээд амжилт тогтоосон байна. Төсөл хэрэгжүүлж эхэлснээс хойш өгсөн эхний мэдээллээр нийт хонгилын гурван км гаруй хэсгийг бүрэн барьж дуусгажээ. Диаметр 17 метр буюу таван давхар байшинтай тэнцэх хэмжээтэй бөгөөд 500 гаруй цагариган хоолой бүхий бэхэлгээтэй. Газрын гадаргаас 26.8 метрийн гүнд татсан хонгил нь нийт 5.7 урттай бөгөөд Шар мөрний хойд болон өмнөд хэсгийг холбосноор орон нутгийн эдийн засгийн хөгжил түргэсэх давуу талтайг БНХАУ-ын Зам тээврийн 14-р товчооноос онцолж байгаа юм. Шандун мужийн төв Жинан хотод байгуулж буй усан доогуурх хонгил нь тус бүрдээ гурван эгнээ бүхий хоёр урсгалтай автозамаас тогтох юм байна.

Хонгилын диаметр нүсрээс гадна бүтээн байгуулалтыг ашиглалтанд оруулах хугацааны хувьд ч дэлхийн шинэ дээд амжилт тогтооно гэдгийг хэвлэлүүд онцолж байна. Учир нь, барилгын ажил энэ оны есдүгээр сарын нэгэнд эхэлсэн бөгөөд өнөөдрийн байдлаар 110-хан хоногийн дотор хонгилын 60 гаруй хувийг барьж дуусгасан нь урьд хожид үзэгдэж байгаагүй асар хурдтай гүйцэтгэлд тооцогдож байгаагаараа онцлог.

Хонгилыг барихад ашиглаж буй “Санхө” нэртэй ухагч төхөөрөмжийг Германы Херреннехт үйлдвэрт захиалгаар хийлгэсэн байна. “Санхө” нь диаметрээрээ таван давхар байшинтай эн зэрэгцэх өндөтэй, 7,510 морины хүчтэй, хоногт  16-18 метр газар ухах хүчин чадалтай. Төслийг хэрэгжүүлж буй инженерүүдийн төлөвлөснөөр хонгилыг 2025 оны эхний улирлын эхний хагаст ашиглалтанд оруулах гэнэ.