Альпийн нуруунд оршдог, байгалийн үзэмж төгсөөрөө алдартай Швейцарь улсад дэлхийн хамгийн, хамгийн гэх тодотголтой зүйл олон байдаг. Үүн дээр дахин нэг онцлог зүйл нэмэгдсэн нь тус улсын Берн хот манай гараг дээрх хамгийн эгц дүүжин зам барьж, ашиглаж эхэллээ. “Шильторн” хэмээн нэрлэсэн дүүжин зам нь аялагчдыг алдарт Жеймс Бондын “Эрхэм дээдсийн нууц даалгавар” гэх ангид гардаг тансаг зоогийн газарт хүргэж өгөх юм байна. Уг замыг дэлхийн хамгийн эгц гэсний учир нь 159.4 градусын налуу 775 метр замыг дөрвөн минутанд туулж, уулын орой дээрх зоогийн газарт хүрнэ. Мөн энэ дүүжин зам нь Стехельберг тосгоныг далайн түвшнээс 1650 метрийн өндөрт орших Мюррен тосгонтой холбох гүүр болж буйгаараа онцлогтой. Сонирхуулахад, Мюррен хот нь ийм өндөрт оршдог тул автомашингүй гэдгээрээ тун хачирхалтай газар юм.

Швейцарь улс өмнө нь дээрхтэй төстэй хэд хэдэн зам ашиглалтанд оруулж байснаас дурдахад 2017 онд Стоос тосгонд тухайн үеийн дэлхийн хамгийн эгц төмөр зам болох 110 градусын налуутай 743 метр урт замыг нээж, Гиннесийн амжилтын номд орж байлаа.