“OAG” хэмээн аялал жуулчлал тандалтын компани жил бүр гаргадаг дэлхийн хамгийн завгүй онгоцны нислэгийн чиглэлүүдийн жагсаалтаа гаргажээ. Энэ жил Хонг Конгоос Тайпей чиглэлийн нислэг зогсоо зайгүй ажилласан байна. Ердөө 105 минут ухасхийгээд хүрчих зайд нийт долоон сая суудал зарснаар энэ жилийн хамгийн дээд амжилтыг тогтоосон байна. Тодруулбал, цар тахлын өмнөх үе буюу 2019 онд уг чиглэлд 6.7 сая суудал зарагдаж, сая, сая жуулчин болон орон нутгийнхныг зөөж байсан дээд хэмжээндээ хүрсэн байна. Бараг таван жилийн дараа Хонг Конг-Тайпей чиглэлийн нислэгийн ачаалал хэвийн хэмжээндээ хүрсэн гэж OAG компанийн тайланд онцолжээ. Харин өнгөрсөн жил буюу 2023 онд Сунгапур-Куала Лумпур чиглэлийн нислэг 4.9 сая суудал зарж, тэргүүлж байсан аж. Энэ жилийн жагсаалтын хоёрдугаарт Каир-Жедда чиглэлийн нислэг 5.5 сая суудал зарснаар оржээ. Египет, Саудын Арабын чиглэлийн нислэгээр зорчигчдын тоо өнгөрсөн таван жилийн хугацаанд гайхалтай өсөж, 2019 онд жагсаалтын 14-т байсан бол 2023, 2024 онд ийнхүү дарааллан хоёрдугаарт жагслаа. Сөүлээс Токиогийн Нарита, Осакагийн Кансай чиглэлийн нислэг гурав ба дөрөвдүгээрт оров. Харин түүний араас Сингапурын Чанги нисэх онгоцны буудлын ачаалал өмнөхөөс давж, Сингапур-Куала Лумпур, Сингапур-Жакарта, Сингапур-Банкок гэсэн гурван чиглэлээр дөрөв болон найм, есдүгээр байрт оржээ. Ойрх Дорнод, Европ, АНУ-гаас Дубай-Рияд чиглэлд мөн л хамгийн олон суудал зарж, жагсаалтын зургаадугаарт бичигдсэн бол Нью-Йоркын Жон Кеннедигийн нэрэмжит нисэх онгоцны буудлаас Лондонгийн Хитроу чиглэлийн нислэг аравдугаар байр эзэлсэн байна.

Тэгвэл орон нутгийн хамгийн завгүй ажилласан нисэх онгоцны буудлаар Азиас Жежү-Гимпо, Саппорогийн шинэ Читозоос Токиогийн Ханеда, Фүкүока-Ханеда чиглэлийн нислэг эхний гуравт жагсчээ. Үүн дотроос Жежү-Сөүлийн чиглэлийн нислэг хоногт 39,000 мянган зорчигч тээвэрлэсэн буюу бүтэн жилийн турш 14.2 сая суудал зарсан үзүүлэлтээр нэгдүгээрт орсон байна.

Онгоцны нислэгийн чиглэлүүдэд хийсэн анализаас харахад Египетийн Каир хот Африкийн нислэгийн төв гэж харж болохоор байна. Европын нислэгт Лондонгийн Хитроу манлайлсан бол Нью-Йоркын Жон Кеннедигийн нэрэмжит онгоцны буудал Хойд Америкт тэргүүлж байгаа юм.

Латин Америкт Сан Хуан-Орландогийн нислэг нэгдүгээрт орж, Лима-Сантьягогийн нислэг удаалсан бол Ойрх Дорнодод Жедда-Каир, Дубай-Риядын нислэг хамгийн ачаалалтай ажиллажээ. Жедда-Риядын чиглэл шилдэг арав дотроо хамгийн хурдан өсөлттэй чиглэл болсон нь хүчин чадал нь жилээс жилд 10%-иар нэмэгдэж, тээвэрлэх зорчигчийн тоо 8.7 саяд хүрсэн байна.

Дээрх жагсаалтыг тухайн нислэгийн чиглэл хооронд зорчигч суудлын тоог харгалзан үзэж гаргасан гэж OAG компани тайлбарлажээ.

Гэвч Transport & Environment хэмээх тээврийн салбарын байгаль орчинд үзүүлэх нөлөөг судалдаг байгууллагын мэргэжилтэн Маттео Мироло “хэдийгээр олон улсын болон орон нутгийн агаарын тээвэр хөгжих нь нэг талаасаа таатай сайхан мэдээ боловч байгальд орчинд үзүүлэх сөрөг нөлөөллөөрөө тун таагүй явдал юм” гэжээ. Учир нь, 2022 оны байдлаар дэлхий даяар хүний үйл ажиллагаанаас улбаалан ялгарсан нүүрстөрөгчийн хийн бохирдлын 2.1%-ийг агаарын тээврийн салбар эзэлж байсан бол энэ оны байдлаар 3.5%-д хүрч нэмэгдээд байна.

Дэлхийн хамгийн завгүй ажилладаг онгоцны нислэгийн чиглэлүүд: